________________
દીકરીઓએ, સંબંધીઓએ ઘણું સમજાવ્યું પણ ન માન્યા. સાધ્વીજી જયારે વહોરવા આવ્યા ત્યારે અમથાભાઈને પૂછયું કે કેમ નથી ખાવું?
અમથાભાઈએ જવાબ આપ્યો, “સીમંધરસ્વામી પ્રભુ પાસે અટ્ટમનું પચ્ચકખાણ લીધું છે. હવે અટ્ટમ કરી મારે આ ભવમાંથી ત્યાં જવાનું છે !” બધા જોતા અને સાંભળતા આશ્ચર્ય પામતા. ત્રણ દિવસ ખૂબ ઉત્તમ ભાવો સાથે ચોવિહાર અટ્ટમની પૂર્ણાહૂતિની સાથે આયુષ્ય પણ પૂર્ણ કરી અમથાભાઈએ દેહ છોડ્યો. અંતિમ સમયે પણ ઉત્તમ સ્વસ્થતા, સમાધિ, આનંદ અનેરો હતો.
અંતિમ દિવસોમાં ગૃહ જિનાલયની એમની ભાવના સાકાર બની ગઈ. એમના ગૃહજિનાલયના શાંતિનાથ પ્રભુને જોઈને ઘણા પૂછે છે કે આ પ્રભુ તો ખૂબ પ્રાચીન દેખાય છે. આ વર્ષે જ પિતાજીની સ્મૃતિમાં બંને દીકરીઓએ ત્રિદિવસીય ૬ “રી” પાલક સંઘ સોનગઢથી પાલીતાણાનો સુંદર રીતે કાઢ્યો અને દાદાના દરબારમાં માળ પહેરી.
(૧૭) શ્રી નવકાર મહામંત્રજાપનો પ્રભાવ
અમદાવાદના ભર ઉનાળાના દિવસો. બે વર્ષ પૂર્વેની આ વાત છે. જેઠ મહિનામાં હેતને ભયંકર ગરમીના પ્રભાવે ટાઈફોઈડ અને કમળાની ભેગી અસર થઈ. હેતના પપ્પા જાગૃતભાઈને ડૉક્ટરોએ હેતને હોસ્પિટલમાં દાખલ કરવાની ખાસ સૂચના કરી.
જૈિન આદર્શ પ્રસંગો-૧૪]
આર્થિ5 [ ૨૫]
૨૫
