________________
ચડાવો બોલાયા પછી જ્યારે એ છોકરીનું નામ જાહેર થયું ત્યારે એ છોકરી નાચવા જ લાગી. છોકરીનાં માતા-પિતાને જયારે શ્રાવિકાની ભાવનાના સમાચાર મળ્યા ત્યારે માતા-પિતા બંનેની આંખમાંથી શ્રાવણ-ભાદરવાની જેમ આંસુઓ વહેવા માંડ્યા ! આ સાંભળીને અનેક ભાગ્યશાળીઓ એ એ પરિવારની અનુમોદના કરી.
વાચકો ! જિનશાસનની આવી ઉદારતાની અનેક વાતો આજે જેટલી બહાર પડે છે એના કરતા અનેકગણી ગુપ્ત રહે છે. કેટલાય ભાવિકો કોઈને ય જાણ ન થાય, પરિવારના વ્યક્તિઓને પણ ખબર ન પડે તેમ ગુપ્ત રીતે આવી ભક્તિ કરતા અમે જોયેલા છે, સાંભળ્યા છે. અનુમોદના તો કરજો જ પરંતુ ભાવથી બોલજો કે, “અદ્ભૂત એવા જિનશાસનને વંદન વંદન વંદન !!!”
(9) જાપથી અંતરાય નાશ નડિયાદમાં રહેતી ખુબુના ધર્મી સંસ્કારી ઘરમાં બધાની ધર્મભાવના સારી, અટ્ટાઈ, ૧૬ ઉપવાસ, માસક્ષમણથી આગળ વધી વર્ષીતપ પણ ખુબુએ સુંદર રીતે કર્યો. છ'રી પાલિત સંઘમાં પણ બે વાર જવાનું થયું. ખુબુના માતુશ્રી પણ ધર્મની આરાધના ખૂબ કરતાં. લગ્નની વયે ખુબુના લગ્ન બોરસદમાં રહેતા અંકુરભાઈ સાથે થયા. પરણ્યા બાદ વીર્યંતરાય કર્મના ઉદયે જયારે તપ કરવાની શરૂઆત કરે ત્યારે અનિવાર્ય કારણોસર પારણું કરી દેવું પડે, તપ પૂરો થાય જ નહિ. જાત્રા કરવા જવાનું નક્કી થાય અને જતા પૂર્વે જ ખુબુ અંતરાયમાં (M.C.) આવે અને છેવટે જૈન આદર્શ પ્રસંગો-૧૪] 8િ [૧૨]
