________________
છે એટલો ખ્યાલ હતો, પણ એ અનંતકાય છે એવી ખબર હોત તો આ ટેંડર ન ભરત, હવે તો ટેંડર મંજૂર થઈ ગયું છે... એને માટે જરૂરી વિધિમાં લાખ્ખોનો ખર્ચ થઈ ગયો છે. શું કરવું? એક બાજુ જે પ્રોજેક્ટ મેળવવા ઘણી દોડધામ કરી છે.. લાખ્ખોનું આંધણ કર્યું છે, એ નિષ્ફળ જવા દેવી? અને જે પ્રોજેક્ટથી કરોડોની કમાણી આસાનીથી થવાની પાકી ખાત્રી છે એવા સાહસથી અટકી જવું ? એ ભારે સાત્વિકતાની અપેક્ષા રાખતી વાત હતી.
પણ આ બંને યુવાનો જિતેન્દ્ર અને નીલેષે એ નક્કી કર્યું કે આપણે આવી અઢળક હિંસાથી થતી કમાણી નથી જ કરવી. અને બંને યુવાનોએ કારખાનું નાખવાનું માંડી વાળ્યું. આ યુવાનોને લાખ લાખ ધન્યવાદ ! આમાંના એકનું નામ તો સંગીતકાર તરીકે જાણીતું છે. પ્રલોભનો સામે ટકવું બહુ અઘરી વાત છે. આ કાળમાં આવા શ્રાવકો મળે છે એ મોટું સદભાગ્ય છે. ગાજરના એક કણમાં અનંતા જીવો છે. આંખ માટે ગાજર ખાતા પહેલા વિચારજો હોં...!!
૧૧. શ્રેષ્ઠ ગુરુભક્તિ “પૂજયશ્રી ! અમારા ઘરે ગોચરી વહોરવા પધારશો ?” યુવાને વિનંતી કરી. મહાત્માએ મીઠાશથી પ્રત્યુત્તર આપતા કહ્યું કે ભાગ્યશાળી ! તમારી ભાવના સારી છે પરંતુ ગોચરી પ્રાયઃ બધી જ આવી ગઈ છે, હવે કાંઈ બાકી નથી. યુવાન કહે, “સાહેબજી ! આપની વાત સાચી છે છતાં સાકર વિગેરે કોઈપણ વસ્તુનો લાભ આપવા પણ પધારો ! ” યુવાનના અતિ આગ્રહથી મહાત્મા વહોરવા ગયા. વહોરીને ઘર બહાર નીકળ્યા અને યુવાન ઉપાશ્રય
સજજનોની યાદ, સંસ્કૃતિનો સાદ, સ્વદેશીને દાદ સદાય.
