________________
છોકરો પાસ ન કરે તો મારે માટે ઘરનાને કહે કે આના મોઢે એસીડ છાંટી દો, કારણ કે અમારી છોકરીઓ ઝાંખી પડે છે. તો પણ બસ મારા આત્મામાં મારા દાદા પાર્શ્વનાથ વસેલા.
સમય સમયનું કામ કરે, દિયરનાં લગ્ન થતાં દેરાણી આવી અને એણે પણ મને હેરાન કરવામાં બાકી ન રાખ્યું. ઘરના સંસ્કાર તેથી છૂટાછેડા લેવાનો વિચાર જ ન કર્યો. ખૂબ જ ધીરજ સાથે આ બધું સહન કરતી રહી. દાદાને પ્રાર્થના કરતી કે પ્રભુ ! તું મને ધીરજ, સમતા, સહનશક્તિ આપજે ! એક દસકો ગયો અને પલટો આવ્યો. જાણે દાદાએ કહ્યું કે જા તારો સમય આવ્યો છે. સાસુ ધાર્મિક બન્યા. વર્ષમાં ત્રણ ઉપધાન. ઘરમાંથી કાયમ કંદમૂળત્યાગ, સાસુએ ઓળીનો પાયો નાખ્યો. મારી એક બેબી ૭ વર્ષની અને બીજી ૧૦ વર્ષની. બંનેએ અને મેં પણ પાયો નાખ્યો. ૧૫ વર્ષની ઉંમરે મોટી બેબીએ નવ્વાણું જાત્રા કરી. શ્રાવકે ઉપધાન તપ કર્યું. અત્યારે પાયો નાખ્યો છે. આજે મારા દિલમાં એક નાની સી ચિનગારી “મારો દાદો” એ આગ બની પ્રજવલિત થઈ છે. આજે ડગલે ને પગલે પાર્શ્વનાથ દાદા... આદિનાથ દાદા... સહાય કરે છે.
પણ હા... બસ કરેલાં કર્મો આ ભવમાં ખપાવી દઉં તો મારે ભવાંતરે ભોગવવા ન પડે. બાકી કર્મો જે કર્યા હોય તે જ ઉદયમાં આવે છે.
અત્યારે મારા જીવનમાં ઘણાં ફેરફાર લાવી છું. મને ઓછામાં ઓછી ૨000 સાથિયા-ગહેલી આવડે છે. જે હું ૧૭૦ બહેનોને શીખવાડી રહી છું. પૂ.ગુરુજીઓના ઓઘાના પાટા, અષ્ટમંગલ વિગેરે હું કરું છું. મારી ફક્ત સેવા જ છે. અને ઘરમાં ૯૭ વર્ષના મોટા સાસુ-સસરા, મારા સાસુ વિગેરે સંયુક્ત રહીએ એલોપેથી અને હોમિયોપેથીમાં સિમ્પથી (સમા) ભૂલાઈ છે.
