________________
૨ વર્ષમાં ઘરવાળાને પણ કેન્સર લાગુ પડતા પરલોક ચાલ્યા ગયા. બિમારીઓ પાછળ ઘણો ખર્ચો કર્યો પણ પતિ-પત્ની બચી ન શક્યા. હવે ઘરમાં ૨ દીકરીઓ અને ૧ દીકરો હતો. બંને મોટી દીકરીઓ લગ્નાદિ કારણે વિદેશમાં ગઈ અને દીકરાના લગ્ન બાદ આજે દીકરાની ઘરવાળી પણ વિદેશ જ ગયેલ છે. ૧૨ રૂમના બંગલામાં દીકરો એકલો રહે છે. શેર બજારના લાખો રૂપિયા છેવટે માણસને ક્યાં પહોંચાડે છે તે વિચારવાનું છે.
પરમાત્માએ સાત વ્યસનમાંથી એક વ્યસન જુગારનું કહ્યું છે. શેરબજારમાં કાયમી લે-વેચનો ધંધો એ જુગાર કહેવાય. ધંધો તો એને કહેવાય કે જેમાં પોતાની મહેનત હોય, મૂડી રોકાણ બાદ સંપૂર્ણ મૂડી ક્યારેય સાફ ન થાય, શાંતિપૂર્વક જીવન ચાલી શકે, ટેન્શન ન હોય. આજે વિશ્વ આખામાં આવો જુગાર ચાલ્યો છે. અનેક વાર તેજીઓમાં ખેડૂતો ને પાનના ગલ્લાવાળા પણ શેરબજારમાં ઘૂસ્યા ને મંદી આવતા અનેકોના પૈસા પાણી થઈ ગયા, કરોડપતિઓ રોડપતિ બન્યા ને ઘરબાર વગરના થયા, દેવાળા કુંકાયા. આવા પૈસાને પાપનો પૈસો, મફતિયો પૈસો કહેવાય. આવો પૈસો કોઈ દિવસ શાંતિથી જીવવા ન દે. કહેવાય છે કે હરામનો પૈસો રામ (પ્રભુ) થી દૂર રાખે, દુઃખમાં પણ છેવટે રામને યાદ ન કરવા દે. પાપનો પૈસો સુખથી અને રામથી દૂર કરે. મોટા ઉદ્યોગપતિઓએ ૧-૨ મહિના પહેલાં કરેલી જાહેરસભામાં શેરબજારનો ધંધો કરવા માટે અસંમતિ દર્શાવેલી પરંતુ લોભીયાઓને રાતોરાત કરોડપતિ થવું છે. કરોડપતિને બદલે છેવટે રોડપતિ થાય ત્યારે પોક મૂકી રડે છે, કેટલાંક આપઘાત કરે છે. શેરબજારમાં ગુમાવનાર અનેક મળ્યા છે, હજી શેરબજાર છૂટતું નથી. કહેવાય છે ને “હાર્યો જુગારી બમણું
રમે.”
[ જૈન આદર્શ પ્રસંગો-છ
25 [૪૭]
