________________
પ્રસ્તાવના
૨૧મી સદીમાં ચારે બાજુ ભોગવાદ, ભૌતિકવાદ ફેલાયો છે. ઘણા ખરા જીવો સ્વાર્થની પરાકાષ્ઠાએ પહોંચી દુર્જનતાની ટોચ પર બેસી માત્ર લક્ષ્મીના પૂજારી બન્યા છે. તેવા કાળમાં પણ ઉત્તમ, ગુણી, નિઃસ્વાર્થી જીવો જોવા મળે છે. બાગમાં ફૂલ, કાંટાની વચ્ચે ઉગતું હોવા છતાં આપણે ફૂલને જ જોઈએ છીએ, તેમ આ વિષમ કાળે અનેક ધર્મરહિતોની વચ્ચે રહેલાં સજ્જનો અને ધર્મીના ગુણોને માણી, તેમની આરાધના જાણી આપણે પણ તેવા ગુણો, આરાધના લાવી વહેલી તકે મુક્તિસુખના ભાગી બનીએ તે જ શુભેચ્છા.
લગભગ સત્તર વર્ષમાં ચૌદ ભાગ વાચકો સમક્ષ રજૂ કરવાનો સંતોષ છે. વાંચી આરાધના, અનુમોદનાથી મળેલ જૈનપણાને સાર્થક કરો. આ ભાગમાં કેટલાંક પ્રસંગો સાંભળેલા, કેટલાંક અમે અનુભવેલા તથા કેટલાંક તો સાક્ષાત્ જોયેલા લેવામાં આવ્યા છે. ઉપરાંત જૈન આદર્શ પ્રસંગો ભાગ-૧ થી ૬ પરના પેપરમાં ઘણા બધાએ સાંભળેલ, અનુભવેલ ચમકારો લખ્યા હતા, જેમાંથી કેટલાંક આ ભાગમાં લેવામાં આવ્યા છે. પ્રાંતે, જિનાજ્ઞા વિરુદ્ધ કાંઈ પણ લખાયું હોય તો મિચ્છામિ દુક્કડમ્.
પ્રભાવના કરનારને અગત્યનું
૪ થી ૮ દિવસ પહેલાં મીતેશભાઈનો મોબાઈલ નંબર : ૯૪૨૭૬ ૧૩૪૭૨ અથવા જગતભાઈનો મો. : ૯૪૦૮૭૭૬૨૫૯ સંપર્ક કરવાથી તમને પુસ્તકો સમયસર મળી શકશે. આપને મીતેશભાઈ તથા જગતભાઈ શક્ય બધી સગવડતા અને સમજ આપશે.
જૈન આદર્શ પ્રસંગો
૨
