________________
૧૦. જીવદયા ધર્મસાર શાસનપ્રભાવક પૂ.પં. શ્રી ચંદ્રશેખર વિ. ગણીએ જૈન શાસનની ભાવિ પેઢી ઉત્તમ સંસ્કારયુક્ત, ધર્મમય બને વિ. અનેક ઉદ્દેશો સાથે અમદાવાદ તથા નવસારીમાં તપોવન જેવી સંસ્થાઓની પ્રેરણા કરી. આજે આ તપોવનમાં અનેક ખાનદાન, શ્રીમંત કુળના નબીરાઓ વ્યવહારિક શિક્ષણની સાથે ઉત્તમ સંસ્કારો સાથે તૈયાર થાય છે. એસ.એસ.સી. માં પણ અહીંના વિદ્યાર્થીઓના નંબર આવે છે. હમણાં તો અંગ્રેજી માધ્યમની સ્કૂલની પણ શરૂઆત કરી છે. બસ, આ જ તપોવનનો એક પ્રસંગ આપણે જોવો છે.
તપોવનનો એક વિદ્યાર્થી જૈન આદર્શ પ્રસંગો ભાગ ૧ થી ૬નું પુસ્તક વાંચી તેના પરનું પેપર ભરી રહ્યો છે. તે પેપરમાં તેના જીવનમાં બનેલો પ્રસંગ તેણે નીચે મુજબ જણાવ્યો છે.
સાંજની વાત છે. અમે સર્વ વિદ્યાર્થીઓ રૂમમાં બેસીને અભ્યાસ કરતાં હતા. વાતાવરણ શાંત હતું અને અચાનક એક વિદ્યાર્થીને કાને બહારથી એક ભયાનક ચીસનો અવાજ આવ્યો. અવાજની દિશામાં જોયું તો ચારથી પાંચ ફૂટ લાંબો કાળોતરો નાગ એક સસલાના બચ્ચાને ગળી જવા પ્રયત્ન કરતો હતો. અને સૌ સમય પારખીને દોડ્યા. એક વિદ્યાર્થીએ લાકડી લઈ નાગની બાજુમાં જોરથી પછાડી. અવાજથી નાગ સસલાના બચ્ચાને છોડી ભાગી ગયો. હવે સસલાના બચ્ચાની કરૂણ કથની અહીંથી શરૂ થાય છે. નાગે છોડી દીધા પછી સસલાનું બચ્ચું મૃત અવસ્થા જેવું પડ્યું હતું. અમને બધાને એમ હતું કે આ બચ્ચું કદાચ મરી ગયું હશે. છતાં મેં આગળ રહીને તેની પાસે જઈને નવકારમંત્ર સંભળાવ્યા. નવકાર નિરંતર ચાલુ હતા. ૧૦ મિનિટ થઈ ત્યાં, સસલાનું બચ્ચું થોડું સળવળ્યું. અમે જોયું અને અમને લાગ્યું કે આ સસલાની એક આંખ સાપ દ્વારા ફોડી નંખાઈ છે, કારણ જૈન આદર્શ પ્રસંગો- છે [૧૬]
