________________
કરે અને પછી આપે. દાળ, ચોખા લે તો ચાળીને જ લેવાના. દરેક કામમાં છ જવનિકાયના જીવોની શક્ય તેટલી જયણા પાળવાની.
તાત્પર્ય એ છે કે કોઈ ચોકી પહેરો ન ભરતું હોવા છતાં અજૈન બાઈને જયણા ગમે છે તો સારી રીતે પાળે છે. પૂર્વે ભીંડા વિગેરે સમારતા પહેલાં એક ભીંડાને બાજુમાં મૂકી અભયદાન આપતા. જયારે આજે જૈન પરિવારોમાં પણ પ્રભુની આજ્ઞા મુજબની જયણા ખૂબ ઓછી જોવા મળે છે. “સ્ત્રીનો અવતાર એટલે પાપનો અવતાર” અને એમાં પણ જયણા, જીવદયા ન પાળીએ એટલે બીજા અનેક પાપો ઉમેરાય.
જયણાને જાણી શક્ય તેટલી જયણા પાળવા પ્રયત્ન કરે તેનું નામ સાચો જૈન.
૭. ગુરૂભક્તિનો પ્રભાવ વડોદરાના રજનીકાંતભાઈને પોતાના ગુરૂ ૫.પૂ. આ. શ્રી ભુવનભાનુસૂરીજી પર ગજબનાક શ્રદ્ધા છે. ૨૫ વર્ષ પૂર્વે આકાશવાણી ઉપર “આમલી-પીપળી” પ્રોગ્રામમાં સંવત્સરી પર્વના દિવસ માટે પ્રોગ્રામ રેકોર્ડીંગ કરવા જવાનું હતું. સમયની મર્યાદા હોવાથી રજનીકાંતભાઈએ ખૂબ મહેનત કરી હતી. જૈનોનો પ્રોગ્રામ રેડીયો પર આવે, અનેક લોકો ધર્મ પામે માટે ખૂબ મહેનત કરી હતી, ઘણી હોંશ હતી. એ સમયે ટી.વી.નો વ્યાપ ઓછો હતો.
અચાનક તે દિવસે સવારથી તબિયત ખૂબ બગડી હતી. ઝાડા થઈ ગયા. ચિંતા થઈ કે આવો લાભ કેમ ગુમાવાય? શું કરવું? કાંઈ સમજાતું નહોતું. છેવટે ગુરૂદેવ યાદ આવ્યા.
પ.પૂ. ગુરૂદેવ શ્રી ભુવનભાનુસૂરીશ્વરજીના ફોટા સામે બેસી ગયા. ગુરૂદેવના ધ્યાનમાં મસ્ત બની ગયા. ઘરના સૌ નવકારનાં જાપમાં લાગી ગયા. જાપના પ્રભાવે શક્તિનો સંચાર થયો, સ્વસ્થ [ જૈન આદર્શ પ્રસંગો- M... [ ૧૩]
