________________
થયું. સાથે કોરા ખાખરા લેતો ગયો અને નિયમ પાળ્યો. ત્યાંની અભક્ષ્ય વસ્તુઓના પાપથી બચવા સૂકો નાસ્તો જોડે રાખેલો. નાસ્તા અને ફૂટ પર ચલાવ્યું પણ અભક્ષ્ય ન ખાધું.
આજે પણ શ્રીમંત કુટુંબના નબીરાઓ એવા છે કે વિદેશોમાં જવાનું થાય તો પણ અભક્ષ્ય-કંદમૂળના પાપથી બચે છે.
વંકચૂલે ૪ નિયમ પાળ્યા અને અનેક લાભ મેળવ્યા. અંતે બારમા દેવલોકમાં ગયો. એમ આપણે પણ નિયમ મક્કમતા પૂર્વક લઈ સારી રીતે પાળવા જોઈએ. લઈ શકાય એવા નિયમ તૂટી જવાની બીકથી નહીં લઈએ તો પાપ ભારે બંધાશે. શક્ય નિયમ લઈ અજાણતા તૂટી જાય એના કરતાં નિયમ જ ન લે એ પાપ હજારો ગણું મોટું છે.
દુકાન ખોલીને ધંધો કરતાં દેવાળું ફૂંકે એટલે કાંઈ સંસારીઓ કાયમ ધંધો બંધ નથી કરતાં. ક્યારેક વધુ પડતું ખવાઈ જવાથી પેટ બગડી જાય એટલે સંસારીઓ ખાવાનું બંધ નથી કરતાં, એમ નિયમ લઈ અજાણતા તૂટી જાય એટલે નિયમ જ નહીં લેવાનો આ તો મહામૂર્ખતા જ કહેવાય.
૫. અટ્ટમથી કેન્સર કેન્સલ ભીમ નામનું અજૈન ગામ. ધર્મના સંસ્કારનો સાવ અભાવ, અળગણ પાણી, રાત્રિભોજનાદિ પાપો તો સામાન્યથી રોજ થતાં.
એવામાં ત્યાં પૂ. આ. શ્રી જીતેન્દ્રસૂરીજી પધાર્યા. જિનવાણી, સત્સંગના પ્રભાવે અનેક લોકો ધર્મ કરતાં થયા. જેમની એક દિકરીએ દીક્ષા લીધી એવા રોશનભાઈ પણ પરિવાર સાથે ગામમાં રહેતાં હતાં. રોશનભાઈએ ગામના હાઈવે પર પૂજયશ્રીની પ્રેરણાથી દેરાસર પણ બંધાવ્યું. આ જ રોશનભાઈના જીવનનો પ્રસંગ જાણીએ.
૫૫ વર્ષની આસપાસ રોશનભાઈને કેન્સરની ગાંઠ થઈ. | જૈન આદર્શ પ્રસંગો- કુણિક [૧૧]
