________________
રાત્રિભોજનનો ભય ? પોતાના ઘેર રાતના પાણી પણ ન પીવડાવનારા ઘર મળે, પણ રાત્રિભોજીના ઘરના પાણીનો ત્યાગ કરનાર મારા જાણવામાં આ પહેલા શ્રાવક આવ્યા. સગતિપ્રેમી હે સુશ્રાવકો ! તમે રાત્રિભોજન ત્યાગી બનો તો કેટલું જોરદાર પુણ્ય બંધાય ? ઉપરાંત આવા ઉત્તમ શ્રાવકોની ભક્તિનો પણ ખૂબ મોટો લાભ મળે !
૪૬. આચાર્યશ્રીના આશીર્વાદથી સંયમ
રાજનું રાજનગરનો રંગીલો કૉલેજીયન હતો. કૉલેજમાં રજાઓ હતી. ધર્મી મામાએ પ્રેરણા કરી, “રજા છે તો વ્યાખ્યાન સાંભળ. ખૂબ જ્ઞાન મળશે.” આત્મા પૂર્વભવનો વિશિષ્ટ આરાધક હશે, તેથી સ્વીકાર્યું ! આગળ તમે જોશો કે સાધકનું પુણ્ય એને કેવી રીતે સુંદર નિમિત્ત આપી શાસનનું રત્ન બનાવી દે છે! પ્રવચન ગમી ગયું. પછી અવારનવાર સાંભળે. ધર્મ વધુ ગમવાથી સાધુઓનો સંપર્ક કર્યો ! ધર્મભાવના વધતી ગઈ. તે પાવર ઇલેકટ્રોનિક એન્જિનિયરિંગમાં ભણતો હતો. સાધુના વધુ પરિચયથી દીક્ષાની ભાવના વધતી જ ગઈ ! ઘરનાની રજા મળી પણ તેમનો ખૂબ આગ્રહ કે છેલ્લું સેમેસ્ટર ભણી લે. ડિગ્રી પછી દીક્ષા ધામધૂમથી અપાવીશું. ઉપકારી પિતાજી વગેરેને સંતોષ આપ્યો. પણ થોડા સમય પછી કેટલાક અશુભ નિમિત્તે દીક્ષાની ઈચ્છા મંદ થઈ ગઈ. એજીનીયરીંગના અભ્યાસ આદિમાં પ્રવૃત્ત બન્યો.
એક વાર દિલ્હીથી રાજન આવ્યો ત્યારે ઘરેથી કહ્યું કે પૂ. રવિપ્રવિજયજી ખૂબ બીમાર છે. ઉપાશ્રયે ગયો. પંદરેક દિવસ ખૂબ વૈયાવચ્ચ કરી ! તેનો જન્મદિન આવ્યો. સાંજે છોકરી જોવા
| જૈન આદર્શ પ્રસંગો-૬]
%િ
[૨૮૩]
