________________
અષ્ટપ્રકારી પૂજાની સકલ સામગ્રી સોનાની તૈયાર કરાવી. શ્રેણિક, કુમારપાળ વગેરેની અદભૂત પ્રભુભક્તિ જાણી, પોતે ચાંદીની ગીની રોજે રોજ મૂકે છે! આ માટે વાર્ષિક રૂ. ૩૬,૦૦૦ વાપરે છે. સુંદર સાથિયો રચવા સોનાના ચોખા વચ્ચે હીરા મૂકાવી લગભગ સવા લાખમાં તૈયાર કરાવ્યા. રોજ બે ટાઇમ પ્રતિક્રમણ, સામાયિક કરવા માંડ્યા. તપનો પણ ભાવ થતાં સજોડે વર્ષીતપ શરૂ કર્યો. વર્ષીતપ દરમ્યાન બ્રહ્મચર્ય જેવું કઠીન વ્રત શરૂ કર્યું! આવી અનેકવિધ આરાધનાનો યજ્ઞ કરતાં એ વિમલ બુદ્ધિવાળા સુશ્રાવક મહારાજશ્રીને વિનંતી કરે છે કે તિજોરીની ચાવી આપને આપી દઉં. મારા હિત માટે આપ કહો તે બધા સ્થાનોમાં તમે કહો તેટલો લાભ લેવા તૈયાર છું. હવે મારા કર્તવ્યથી ચૂકું તો દોષ આપનો! દીક્ષાની ભાવનાવાળા, સંસારમાં ફસાયેલા, નિમિત્તવશ પાપો કરનારા આ પુણ્યશાળીનું આખું જીવનપરિવર્તન કરનારી મહાપ્રભાવક જિનવાણીએ તો અનંતા પાપીઓનો પણ ઉદ્ધાર કર્યો છે ! શ્રાવકના મહત્ત્વના કર્તવ્ય સ્વરૂપ આવા ભયંકર કલિકાળમાં પણ અનેકોને અનેકવિધ પ્રેરણા કરનારા આ વ્યાખ્યાન શ્રવણનો ધર્મ તમે નિયમિત કે શક્યતા મુજબ આરાધી વધુને વધુ આત્મહિત સાધો એ શુભેચ્છા.
૨૮. પ્રવચન-શ્રવણથી શ્રેષ્ઠ આરાધના
“ધર્મરુચિ' ધંધામાં વ્યસ્ત હતા. કોઈકે કહ્યું, “સાંતાક્રુઝમાં ખૂબ સારા વ્યાખ્યાનો ચાલે છે.” તેમને ભાવના થઈ કે મારે આવો સુંદર લાભ લેવો. રોજ સપરિવાર ગાડીમાં ત્યાં જતા. આત્માની યોગ્યતા ઊંચી હતી જેથી સાંભળતાં સાંભળતાં | જૈન આદર્શ પ્રસંગો-૬ 5 8િ [૨૭૦]
