________________
પાપ થઇ ગયું તેથી ત્રણ દિવસ આયંબિલ કર્યા ! શાસ્ત્ર કહે છે કે નાની પણ અનીતિ ઘણીવાર બહુ ભયંકર દુઃખ આપે છે. તેથી હે વાચકો, ક્યારેય જરાપણ અનીતિ કરવી નહીં.
(D) પ્રામાણિકતાના આશીર્વાદ : રમેશભાઇ આજીવીકા માટે રીક્ષા ચલાવતા હતા, પૂનામાં રહેતા. એકવાર રીક્ષામાંથી રૂા. ૧૦ હજારની થેલી મળી, મુસાફર ભૂલી ગયેલા. રમેશભાઇ આર્થિક સંકડામણમાં હતા પણ સાધુસંગથી પ્રામાણિકતા ગમતી. પત્ની અને ત્રણ પુત્રીએ પૈસા રાખી લેવા વિનંતી કરી, પરંતુ રમેશભાઈએ રૂપિયા ભરેલી થેલી પોલીસ ચોકીએ સોંપી દીધી !!! માલિક મુસલમાન વૃધ્ધા એ ખૂબ શાબાશી આપી અને રૂા. ૨૦૦ બક્ષીસ આપવા માંડી. રમેશભાઇએ ન લીધી. બાઈએ હૈયાના ખૂબ આશીર્વાદ આપ્યા !
ગરીબો પણ પ્રામાણિક હોય છે તો દરેક સુખીએ તો ક્યારેય કાણી કોડી પણ અનીતિની નથી લેવી એવો દૃઢ નિશ્ચય કરવો જોઇએ.
(E) દેવું તરત ચૂકવવું : ગુજરાતનો ૨૩ વર્ષીય યુવાન આફતમાં ફસાયો. સંબંધીએ લાગણીથી એક લાખ રૂપિયાની સહાય (લોન રૂપે) કરી. થોડા વર્ષે યુવાન કમાતો થયો. દર મહિને દસ હજાર ચૂકવવાનો વિચાર કર્યો. પૂછતાં માએ કહ્યું, “હમણાં બચત વ્યાજે મૂક. થોડા વખત પછી ચૂકવશું !” આ સલાહ યુવકને ગમી નહીં. માતૃભકત તેણે સવિનય પ્રાર્થના કરી. “માતાજી ! કટોકટીમાં સંબંધીએ સહાય કરી મહાન ઉપકાર કર્યો છે. વગર વ્યાજે આપી છે. ન ચુકવાય ત્યાં સુધી ખાવું પણ કેમ ભાવે ? મોડા ચૂકવીએ એનો અર્થ એ થયો કે | જૈન આદર્શ પ્રસંગો-૬
[૨૫૭]
