________________
કે અસમાધિને કારણે તમારે પણ ઘણા ભવ દુર્ગતિ વગેરેના દુઃખો ભોગવવા પડે. તેથી જેને દીક્ષા લેવી હોય તેને અંતરાય કરવાનું ભયંકર પાપ તો ન જ કરવું.
૨. દીક્ષાપ્રેમી સુશ્રાવિક એ ઉત્તમ સુશ્રાવિકા મણિબહેન, વાપીના. રાત્રે પુત્ર વગેરેએ કહ્યું કે, બા તું માસક્ષમણ કર ને! એ તરત તૈયાર થઇ ગયા ! અત્તરવાયણા કર્યા વિના બીજા જ દિવસથી શરૂ ! શરીરનું પુણ્ય ઓછું. પણ ધર્મનો પ્રેમ ખૂબ. હિંમતથી સારી રીતે માસક્ષમણ પૂરું કર્યું. ધન્યવાદ. માસક્ષમણમાં પૂજા, પ્રવચન, વગેરે બધી આરાધના કરી.
આ શ્રાવિકા એ બંને પુત્રોને સંસ્કાર આપી તૈયાર કરી શાસનને સમર્પિત કરી દીધા ! માનું હૈયુ ચાલે ? પણ ધર્મ હૈયામાં વસ્યો હોય તો એ કેવા અદ્ભૂત પરાક્રમો કરાવે છે! પુણ્યશાળીઓ! તમે પણ અનંતકાળે મળેલા આ શાસનને સમજી તમારૂ પણ હિત થાય એવા સુંદર સંસ્કાર સંતાનોને આપી શાસનભક્તિ કરો એ જ શુભેચ્છા.
3. નગરશેઠને માએ ધર્મી બનાવ્યો
ગંગામાને ધર્મ ખૂબ ગમે. અમદાવાદના શેઠ કુટુંબના કસ્તુરભાઇ લાલભાઇના દાદીમા થાય. લાલભાઇ પાસે સંઘના આગેવાનો આવ્યા. સંઘનું એક મહત્ત્વનું કામ હતું. લાલભાઇની લાગવગથી થાય એમ હતું. પણ લાલભાઇએ ના પાડી દીધી. એ જમવા આવ્યા ત્યારે ગંગામાએ લાલભાઇના ભાણામાં પથરા મુક્યા. લાલભાઇએ પૂછયું, “આ શું ?” ગંગામા કહે, “મારા કૂખે પથરા પાક્યા હોત તો સારું હતું.” લાલભાઇ શરમાઇ ગયા.
[ જૈન આદર્શ પ્રસંગો-
%િ
[૧૯૭]
