________________
એ બ્લેન પુસ્તકના અનુભવેલા ઉપકારને વર્ણવતાં કહે છે, “હું મનથી જૈન બની ન હતી. પણ આ પુસ્તક વાંચતા જૈન ધર્મની મહાનતા સમજાઈ અને ખરેખર હવે જૈનધર્મ દિલથી સ્વીકારું છું ! બ્રાહ્મણને દ્વિજ અર્થાતુ ૨ વાર જન્મનાર કહે છે. બ્રાહ્મણ એવી મારા ત્રણ જન્મ થયા. જૈન ધર્મની ભાવથી પ્રાપ્તિ એ મારો ત્રીજો જન્મ!!”
એક ઉત્તમ પુસ્તક ક્યારેક જીવોને કેટલો બધો મોટો લાભ કમાવી આપે છે ! પરીક્ષાના ઇનામનું લક્ષ્ય હોવા છતાં જો સુંદર પુસ્તક અજૈન એવી સ્ત્રીનું પણ હૃદય-પરિવર્તન કરી દે તો જૈન શ્રાવક એવા તમને માત્ર આત્મહિતની ભાવનાથી ધ્યાનથી ધાર્મિક વાંચન કેટલો બધો લાભ કરી આપે ? તે વિચારી શાસ્ત્રઅભ્યાસ ખૂબ ખૂબ વધારો. હે પુસ્તક પ્રેમીઓ ! ટી.વી. ના આજના માહોલમાં પણ તમારો પુસ્તકપ્રેમ એ તમારી એક વિશિષ્ટ ઉત્તમતા સૂચવે છે. તમે આ લાયકાતને વધુને વધુ વાંચન દ્વારા વિકસાવી અન્ય ફાલતૂ સાંસારિક અને પાપી પ્રવૃત્તિઓની રૂચિને નષ્ટ કરવાની એક મહત્ત્વની સાધના દ્વારા ખૂબ જ આત્મહિત સાધો એ અંતરની અભિલાષા. ધર્મવાંચનથી સંસારસ્વરૂપ, આત્મવૈભવ, સત્ય, તત્ત્વ, સ્વહિત વગેરે સમજાવાથી નિર્ભયતા, શાંતિ, આત્માનંદ વગેરે ઘણું મળશે.
૪૭. ગોખે તેને આવડે પફખી પ્રતિક્રમણ અમદાવાદમાં દેવકીનંદન સંઘમાં ચાલતું હતું. પૂ. આ. શ્રી પ્રદ્યુમ્નસૂરિ મ. સાહેબે સંઘને પ્રેરણા કરી કે આવો આરાધક સંઘ છતાં કોઇને અતિચાર ન આવડે એ શોભાસ્પદ છે ? આ વાત તેમણે પ્રવચનમાં ખૂબ સારી રીતે સમજાવી. એક શ્રાવકને ઉલ્લાસ વધી ગયો અને જાહેર કર્યું કે | જૈન આદર્શ પ્રસંગો-૫
% [૨૩૮]
