________________
આપણાં ઘરે જ રહેવાની છું. નોકરી શોધી લઈશ. તેથી આપને ભારરૂપ નહીં બનું. સદાચારથી જીવીશ. અત્યારે વધુ ન પૂછતા. પિયરમાં રહી. શિક્ષિકાની નોકરી મળી ગઈ. પતિએ અવારનવાર પત્રો લખી તેડાવી. ન ગઈ. રૂબરૂ તેડવા આવ્યા પણ ન માની. લગભગ ૧૮ વર્ષ બાદ પતિ જાતે લેવા આવ્યા. ઘણી કાકલૂદી કરી. ન સ્વીકાર્યું, આખરે પતિએ કહ્યું કે પિતાજી તો દેવલોક થઈ ગયા છે. હવે એ ભય નથી. ત્યારે પતિના પરિચિત બે સંબંધીને વચમાં રાખી સાસરે ગઈ. તાજુ લગ્ન, યુવાન વય, પતિસુખ છોડીને નોકરી કરીને પણ શીલભંગ ન જ કર્યો !!! શીલસુગંધને અનુમોદતી એ આજે પણ માનવભવ મસ્તીથી સફળ કરી રહી છે ! લાખો ધન્યવાદ હો આવી વર્તમાન સતીઓને. તમે પણ શીલની રક્ષા કરો એ શુભાભિલાષા.
૪૦. શીલ માટે સાહસ એક યુવતી રૂપવતી હતી. હાલ ગુજરાતમાં રહે છે. શીલનો પ્રેમ ઘણો. પરણ્યા પછી થોડા દિવસો બાદ દંપતી પતિના મિત્રને ઘેર ગયા. વાતો કર્યા પછી તેમના પતિ અને પતિના મિત્રની પત્ની બહાનું કાઢી બહાર ગયા. પતિમિત્રે અશિષ્ટ વાતો આરંભી. અડપલા કરવા ગયો કે યુવતી બહાર જવા માંડી. પતિ મિત્રે બારણા વાસી પગ પકડી તેને રોકી દીધી. શીલરક્ષા માટે આ યુવતીએ માયા કરવી પડી. પેલો વિશ્વાસમાં આવતાં લાગ મળતાં તે ભાગી છૂટી ! પત્નીની અદલાબદલીથી બન્ને વિલાસી પતિ ભોગનો આનંદ મેળવવા ઇચ્છે છે એ વાત તે સમજી ગઇ. દેરાસરે જઇ હર્ષના આંસુથી યુવતીએ પ્રભુનો ઉપકાર માન્યો ! પછી તો પતિને પણ મક્કમતાપૂર્વક શીલનું મહત્ત્વ સમજાવી દીધું. પતિની સામે થઇ શીલરક્ષા કરતી સતીઓની પ્રશંસા જેટલી કરીએ એટલી ઓછી. | જૈન આદર્શ પ્રસંગો-૫ 8િ [૨૩૨]
૨૩૨
