________________
રજપૂત. એક વાર બીડી પીતા હતા અને પ.પૂ. મહાયશસાગર મ.સાહેબે તેના ત્યાગની પ્રેરણા કરી. હળુકર્મી જીવ. તેથી આત્મહિતની વાત ગમી. સ્વીકારી, પછી અવારનવાર મ.સા. ના દર્શને જાય. તે અજૈન છતાં તેમની યોગ્યતા જોઈ મ.સા. ધર્મની પ્રેરણા કરે. એમ સત્સંગથી નવકારવાળી, સામાયિક, ચોવિહાર, ૬૪ પ્રહરી પૌષધ વગેરે આરાધના કરતા થઈ ગયા ! (આ વાંચી તમને તમારા ભારે કર્મીપણાનું દુઃખ થાય છે ?) નાના ગામના આ અજૈનને એકવાર એક સાધુ મળ્યા ને આટલી બધી આરાધના કરી. તમને બારે માસ ને ઘણીવાર વિદ્વાન, વક્તા, સંયમી મહાત્માઓ મળે છે. તમે આરાધના કેટલી વધારી ? ખામી ક્યાં ? ૪, ૬ જણને એક જ સ્કુટર પર બેસાડી કુટરનો કસ કાઢનાર અમદાવાદવાસી પુણ્યથી મળેલ જિનશાસનનો લાભ લે ? અર્થાત્ વધુ આરાધના કરવાનો મોકો મળે ત્યાં વધાવી લે ?
આ લાલુભાઈને સગાસંબંધી રજપૂતોના લગ્ન વગેરેમાં જવું પડે. બધા રાત્રે જમે. આમને પણ સગાસ્નેહી દબાણ કરે. ચોખ્ખી ના પાડે ! રજપૂતો કહે કે આ તો વાણિયો જ થઈ ગયો છે. છતાં લાલુભાઈ ચોવિહારના નિયમમાં મક્કમ રહે.
નવકાર પર દઢ શ્રદ્ધા. રોજ ગણે. એમને ગામલોકો અને બાજુના ગામના ભગત કહે. કોઈને કંઈ મુશ્કેલી આવે તો આ બાપુ ભગત પાસે આવે. એક વાર એક જણને રાત્રે પાણી પીતાં લોટામાં રહેલ વીંછીએ તાળવે ડંખ દીધો. ખૂબ સોજો આવ્યો. મોટું ખૂલે જ નહીં.
લાલુભાઈ પાસે લાવ્યા. ધર્મશ્રદ્ધાળુ એમણે નવકાર ગણી પાણી નાં ટીપાં મોમાં નાંખ્યા. થોડું ખૂલ્યું. વધુ પાણી મંત્રીને પાડ્યું. સારું થઈ ગયું ! આમ ઘણાંના ઘણા રોગ શ્રદ્ધાબળથી નવકારથી મટાડે. | જૈન આદર્શ પ્રસંગો-૫ 8િ [૨૨૨]
૨૨૨
હિi.
