________________
એના પણ તીવ્ર પશ્ચાતાપથી આવા મોટા હોદા પરથી પણ રાજીનામુ આપી દીધું ! પછી ઉપાશ્રયે જઇ પંચેન્દ્રિય હિંસાનું પ્રાયશ્ચિત લીધું. પોતાને એનું એટલું બધું લાગી આવ્યું કે આ પાપના દંડ તરીકે અઠ્ઠાઈ કરી ! પછી ધર્મ કરવા માંડ્યો, વર્ષીતપ આદિ કર્યા.
પોલીસની હિંસક નોકરીમાં કે જયાં હિંસા, દંડ, અત્યાચાર, નિર્દયતા સહજ છે ત્યાં પણ તેમણે જૈનપણું ટકાવ્યું ! ધન્ય છે તેમને. હે શ્રાવકો ! તમે પણ ધંધા, નોકરીમાં માનવતા, જૈનપણું ધારો તો જરૂર સાચવી શકો. સંકલ્પ ને ધ્યેય જોઇએ. આ પરીખ તો અત્યારે દર અઠવાડિયે ૨-૩ દિવસ સ્વ ખર્ચે પાલીતાણા જઇ આ.ક. પેઢીના તેમજ તીર્થના ઘણાં ભક્તિકાર્યો કરે છે !!! પરીખે પછીથી રેવન્યુમાં નોકરી કરી. પછી ધંધો કર્યો. આજે તો સંઘના તથા શાસનના ઘણાં ભક્તિના કામો ઉમંગથી સ્વદ્રવ્યથી કરે છે તથા ધર્મમાં પણ ઘણું ધન વાપરે છે ! તમે પણ સંઘસેવાનું નિર્મળ પુણ્ય મેળવો. છેવટે આવા સત્કાર્યોની અનુમોદના સાચા દિલથી કરવા અત્યારે જ બે હાથ જોડી આ પરીખ વગેરે સંઘસેવકોને માથુ નમાવી “પ્રણામ” બોલો.
૩૨. સુપ્રીમ સાધના આજના સપરમા (શ્રેષ્ઠ) સુપ્રીમ દિવસે એક શ્રાવકની સુપ્રીમ સાધના વાંચી જરૂર અનુમોદના ભાવથી કરી સુપ્રીમ પુણ્યાનુબંધી પુણ્ય ઉપાર્જી.
જોધપુરના જોહરમલજી ચાર્ટર્ડ એકાઉન્ટન્ટ હતા. ધર્મની ભાવના વધતી ગઈ. સંસારમાં સાધુના આંશિક આચારો પાળવા મન ઉલ્લસિત થયું. એક પૈસો પાસે રાખવાનો નહીં !!! વાહનનો ઉપયોગ લગભગ નહીં કરવાનો !! કપડાં ટૂંકા અને
જૈન આદર્શ પ્રસંગો-જ
૧૭૮
