________________
૭. ધંધામાં પણ ધર્મબુદ્ધિ શેફાલીના પ્રવિણભાઇ આજીવિકા માટે કેટરીંગનો ધંધો કરવો પડતો હોવા છતાં કેટલાક સિદ્ધાંતોનું ચુસ્તપણે પાલન કરે છે. રસોઇનો લાખો રૂપિયાનો ઓર્ડર સામે આવે તો પણ કંદમૂળનો ઉપયોગ કરવાનો હોય તો ઘસીને ના પાડી દે છે! પોતાના ગુરૂદેવને વંદન કરવા વર્ષોથી અચૂક જાય છે. ઘેર ગુરૂદેવના પગલા કરાવવા ચોથા વ્રતનો પાવજીવનો નિયમ લીધો!
૮. દીક્ષાથી જીવન પરિવર્તન ઝીંઝુવાડા ગુજરાતનું સંસ્કારી ગામ છે. પ. પૂ. આ. ભ. શ્રી દાનસૂરીજી મ. સા., પ. પૂ. આ. ભ. શ્રી ઓમકારસૂરીજી મ. સા. વિગેરે ઘણા ધર્મી રત્નોની શાસનને આ ગામે ભેટ ધરી છે. આ ધર્મનગરી ઝીંઝુવાડામાં કાંતિભાઇ રહેતા હતા. રોજ ૫૦૫૫ બીડી પીવે. રાત્રિ ભોજન ચાલુ, બીડી રાત્રે પણ પીવે. તેમના ભત્રીજા (હાલ પ.પૂ.આ.શ્રી યશોવિજયસૂરીજી મ.સા.) ની દીક્ષા થઇ ત્યારે એમને સ્વયં મનોરથ થયો કે ભત્રીજો દીક્ષા લે અને હું આવા પાપ કરું? ન શોભે. દીક્ષા વખતે જ આજન્મ બીડી-ત્યાગ તથા રાત્રિભોજન-ત્યાગની ખૂબ કઠિન પ્રતિજ્ઞા લીધી! માનવને વ્યસન પડ્યા પછી બીડી વિગેરે વધતા જાય. તેનો ત્યાગ કરવો ખૂબ કઠિન પડે. અરે ! થોડી સંખ્યા ઘટાડવા માટે મ.સા. પ્રેરણા કરે તો પણ તેને મુશ્કેલ લાગે. જ્યારે આ સત્ત્વશાળીએ આવો ઘોર નિયમ લઇ અણીશુદ્ધ પાળ્યો!
પૂર્વે દીક્ષા સાંભળી ગામ-પરગામના ઘણાં દીક્ષા લેતાં. શાસ્ત્રોમાં ઘણાં પ્રસંગો સાંભળવા મળે છે. આજે પણ કેટલાય સગાસ્નેહી દીક્ષા પ્રસંગે વિશેષ નિયમો લે છે. હે ભવ્યાત્માઓ ! તમે જૈન છો. તમે પણ સગા-સ્વજન વિગેરેના દીક્ષા પ્રસંગે, મળેલ દુર્લભ મનને જ્ઞાનથી ભાવિત કરી, સત્ત્વ ફોરવી ઉલ્લાસથી શક્ય | જૈન આદર્શ પ્રસંગો-8 5 8િ [૧૧૭]
