________________
૪૨ વર્ષે તો ઉપાશ્રયના પગથીયા ચડ્યા છે. છતાં જો આટલી પ્રગતિ કરી શક્યા હોય તો તમે બધા બાળપણથી ધર્મ કરનારા ડરીને કેમ શક્તિ જેટલો પણ ધર્મ કરતાં નથી ? હિંમત કરો. સફળતા જરૂર મળશે જ. શુભ ભવતુ.
- ૨. કિશોરે તીર્થયાત્રામાં અઢાઇ કરી
૮૮ વર્ષ પૂર્વે પ્રેમચંદ ૧૬ વર્ષનો કિશોર હતો. પાલિતાણા યાત્રાએ ગયો. હળુકર્મી જીવનો આવા શાશ્વત તીર્થાધિરાજની યાત્રાથી ઉલ્લાસ એટલો વધી ગયો કે અટ્ટાઇ કરી! યાત્રા, તપ વગેરેના પ્રભાવે ઘણાં કર્મ ખપી ગયાં. સાધુના દર્શન થતાં આ ભાગ્યશાળીને સંયમના ભાવ જાગ્યા. પછી તો દીક્ષા મેળવવા ભગીરથ પુરુષાર્થ કર્યો ! ૩૬ માઇલ ચાલતા જઇ પ.પૂ.આ.ભ.શ્રી વિજય દાનસૂરીશ્વરજી મ.નાં ચરણોમાં પડી પાલીતાણામાં જ દીક્ષા લીધી! પછી તો પોતે દર્શન, જ્ઞાન, ચારિત્ર ત્રણે રત્નોની જોરદાર આરાધના કરી. સ્વ અને પરનું ખૂબ ખૂબ કલ્યાણ કર્યું.
જિનશાસનનાં ચરણોમાં ૩૫૦ જેટલા સાધુઓની ભેટ ધરનારા, અનેક શિષ્યો પાસે લાખો શ્લોક પ્રમાણ કર્મગ્રંથને સુગ્રથિત કરાવનારા, અગણિત ગુણોના નિધિ એવા આ જિનશાસનના ઝગમગતા સિતારા પૂ. આ. શ્રી પ્રેમસૂરીજી મ.સા.નો લગભગ ૩૮ વર્ષ પૂર્વે સ્વર્ગવાસ થયો. શ્રી સંઘના ઘણા મોક્ષાર્થીઓએ આ મહાપુરુષને ખૂબ અહોભાવથી દિલમાં બિરાજમાન કર્યા છે. એમનું બ્રહ્મચર્ય એટલું નૈષ્ઠિક હતું કે “ગુરુદેવ શ્રી પ્રેમસૂરયે નમઃ” ની નવકારવાળી ગણી ઘણાંયે પોતાના ચારિત્ર મોહનીય કર્મનો ભૂકો કરી શીધ્ર કલ્યાણ સાધ્યું.
જૈન આદર્શ પ્રસંગો-|
