________________
શિવગતિ મેળવીએ.
૩૬. ધર્મની નિંદાનું ઈન્સ્ટન્ટ ફળ
૫-૭ વર્ષ પહેલાંની આ સત્ય હકીકત છે. સુરતથી લગભગ ૧૫૦ કિ.મી. દૂર એક ગામ છે. ૨૮ વર્ષનો યુવાન વર્તમાન જમાનાની અસરને કારણે ધર્મવિરોધી હતો. સંઘ દર મહિને અંગલુછણા નવા કાઢતો હતો. આવી સામાન્ય બાબતમાં પણ તે નિંદા કરે કે ભગવાનને અંગલુછણા નવા સારા જોઈએ વગેરે ક્યાં જરૂર છે? આમ ધર્મના ઘણાં કામમાં વિરોધ કર્યા કરે. ભરયુવાનવયે એને આંતરડાનું કેન્સર થયું. ખૂબ હેરાન પરેશાન થાય છે. કારણ સમજી ગયો. ઘરના મારફત ટ્રસ્ટીઓને બોલાવી તેણે કહ્યું, “મેં સંઘની ને ધર્મની ખૂબ આશાતના કરી છે. તેનું ફળ ભોગવી રહ્યો છું. છતાં મને એ આશ્વાસન છે કે અહીં જ પાપફળ મળી રહ્યું છે. એટલા મારા પાપ ઓછા થાય છે. વેદના અને મોતનો મને ડર નથી. પણ સર્વત્ર સર્વને મારો દાખલો આપી મારા વતી કહેશો કે ધર્મ, સંઘ વગેરેની નિંદા, આશાતના કદી ન કરતા...” હે દુઃખ–ભીરૂઓ ! થાય એટલો ધર્મ કરજો . પણ દેવ, ગુરૂ, ધર્મ વગેરેની નિંદા, અવહેલના વગેરે ન કરશો.
૩૭. જિનશાસનની ક્રિયા પણ હિત રે
સાધુ જીવનમાં રોજ બે વાર પડિલેહણ કરવાનું પરમાત્માએ બતાવ્યું છે તે કેટલું બધુ મહત્ત્વનું છે તેનો જેને અનુભવ થાય તેમનું પરમાત્મા આગળ મસ્તક ઝૂક્યા વિના રહે નહિ ! આવા કરૂણાનિધિ પરમાત્માનું શાસન કેવું હિતકર છે તે સમજાય. એક દિવસ એક મહાત્મા બપોરે વડિલશ્રીનું પડિલેહણ કરવા ગયા. આસનનું પડિલેહણ કરતાં તેમાં ઊનના નાના પીસ
જૈન આદર્શ પ્રસંગો-|
