________________
ધર્મપ્રેમી આ ભરતભાઇએ ધર્મચક્ર, વીશ સ્થાનક તપ, અઠ્ઠાઇ વગેરે તપ ખૂબ સારી રીતે કર્યા. દવા તો ૪ વર્ષથી સંપૂર્ણ બંધ કરી છે. આ સત્ય દૃષ્ટાંત વાંચી તમને આપણા શ્રેષ્ઠ ધર્મમાં શ્રદ્ધા થઇ ? તો પૂજા વગેરે ધર્મ ખૂબ ભાવથી કરી આત્મિક સુખશાંતિ મેળવો.
૩૦. ધન્ય તપસ્વી તપસ્વીરત્ન શ્રી નવીનભાઇ મુંબઇ ભાયંદરના છે. આમનો તપ જાણી અમારા પંન્યાસ શ્રી ભુવનસુંદરવિજયજી આશ્ચર્ય પામી ગયા. તમે પણ પામશો. એમની આરાધના વાંચી તમે ભાવથી અનુમોદના કરી યથાશક્તિ અનંત પ્રભાવી તપની આરાધના જરૂર કરજો .
માંગલિક અઠ્ઠમ તપ ( ૬ વર્ષની લઘુ વયે), નવપદ ની ઓળી ૭ વર્ષે, ૧૦ ઉંમરે અઠ્ઠાઈ, પછી તો ૯,૧૧,૧૬ અને ૨૧ ઉપવાસ માત્ર ૨૧ વર્ષની ભરયુવાનીમાં કર્યા !!! આજે જૈનો ધંધા, નોકરી, કોલેજમાં આગળ વધતા જ જાય છે. સચિન જેમ બેટીંગમાં એમ આ તપસ્વી તપમાં વિકાસ કરતા જ ગયા !
જેમ બિલ ગેટ્સ ધનપતિનો પોતાનો જ રેકોર્ડ દર વર્ષે સંપત્તિ વધારી ઘણા વર્ષોથી તોડી રહ્યો છે, તેમ આ પોતાના તપનો રેકોર્ડ તોડતા જ રહ્યા છે. વાંચો એમની તપ સિધ્ધિઓ :માસક્ષમણ, ૩૬ ઉપવાસ, ૫૧, ૬૮,૮૫,૧૦૮ પણ કર્યા !!! બીજા પણ એમણે કરેલા તપ : ચોવિહારા ૧૬ ઉપવાસ મૌન પૂર્વક ! ૫૦૦ આયંબિલ લગભગ ૧૭ માસમાં, છઠ્ઠ થી વર્ષીતપ, અઠ્ઠમ થી વર્ષીતપ, અઠ્ઠાઈ થી વર્ષીતપ, ૧૧ ઉપવાસ થી વર્ષીતપ ! વીશ સ્થાનક તપ (૧ મહિનામાં ૨૦
[જૈન આદર્શ પ્રસંગો-૩]
A
%
[૧૨૯]
