________________
ભાગ્યમાં અઠ્ઠમ હતો તેથી તને એ ચીઠ્ઠી આવી છે. તો હવે તું અમ કર. વળી ઘરમાં રાંધનાર બીજું કોઇ નથી છતાં ઘરના બધા કહે છે, “અમે અમારી વ્યવસ્થા કરી લઇશું. તું તારે નિશ્ચિત થઇને અઠ્ઠમ કર.” તે બહેન તથા તેમના ઘરના કેવા ધર્મપ્રેમી! મેં તેમની ભાવનાને પુષ્ટિ આપી. અઠ્ઠમ તેમને ખૂબ સારો થઇ ગયો. પારણે આગ્રહ કરી મને લઇ ગયા. આપણે આરાધના કરી શક્તા હોઇએ તો કરવાની જ. પરંતુ પરિસ્થિતિ આદિના કારણે કદાચ ન કરી શકીએ તોપણ બીજાને આરાધનામાં સહાયક થવું.
૨૫. નવપદ ઓળીથી કોઢનો નાશ પટણામાં ભંવરલાલજીની કરિયાણાની દુકાન છે. લગભગ ૧૫ વર્ષ પહેલાં તેમને કોઢ થયો હતો. વધતાં વધતાં આખા શરીરે પ્રસરી ગયો. સારા વૈદ્ય-ડૉક્ટરોની દવા કરી, પણ મટતો ન હતો. તેથી આખા ભારતના અને પરદેશના પ્રસિદ્ધ વૈદ્યડૉક્ટરોને દેખાડ્યું. પણ ન જ મટ્યો. નવપદની ઓળીઓ કરી. ન મટ્યો. તેમને વિચાર આવ્યો, ‘શ્રી નવપદજીની ઓળીની આરાધનાથી શ્રીપાળનો કોઢ નાશ પામ્યો, તો મારો પણ જરૂર નાશ પામશે. અત્યારે કલિયુગ છે તો આરાધના વિધિપૂર્વક અને વધારે ભાવોલ્લાસથી કરીશ.” આવા શુભ પરિણામ લાવી ઓળીના નવ દિવસ શ્રી સિદ્ધચક્રની ખૂબ વધતાં ભાવે ભંવરલાલજીએ આરાધના કરી.
નવે દિવસ પૌષધ કર્યા. નવે આયંબિલ તે તે વર્ણના અને એક ધાનના કર્યા. અને માત્ર એક જ દાણો વાપર્યો. બધા આયંબિલ ઠામ ચોવિહાર અને દેવવંદન વગેરે બધી વિધિ ખૂબ
[ જૈન આદર્શ પ્રસંગો-5]
25 [૨૪]
