________________
ધર્મરાગી શ્રાવકજી ! તમારા ઘરે કોઇ ભારે પુણ્ય આવો દીપક આવી ગયો હોય તો એને સાધુ કે શ્રાવક બનાવી એનું, તમારું અને અનેકનું કલ્યાણ કરશો ને ?
૬. વૈરાગ્ય મુંબઇના એ યુવાનની પૂ. આચાર્ય શ્રી પ્રેમસૂરીશ્વરજી મ. સા. ની આજ્ઞાથી પાંચોરામાં દીક્ષા થઇ. પછી સંસારી સગા આવ્યા. આચાર્ય શ્રી યશોદેવસૂરીશ્વરજી મ. સાહેબે મળવાની રજા આપી. કલાકો સમજાવ્યા, ધમકાવ્યા. ૩-૪ દિવસ થઇ ગયા. મહાત્માનો વૈરાગ્ય તીવ્ર. તેથી દીક્ષા છોડવાની વાત ન માની. કુટુંબીઓએ જૈનેતરોને ઉશ્કેર્યા. સંઘે વિચારણા કરી વિનંતી કરી મહારાજને વિહાર કરાવી માલેગામ મોકલાવ્યા. મહારાજના ભાઇએ કપટ કરી તેમને ગાડીમાં ભગાડ્યા. શ્રાવકોએ તપાસ કરી. ઘણે દૂર ઊરણના જંગલમાં બંગલામાંથી શોધી કાઢ્યા. મારે દીક્ષાવેષ સિવાય ખાવું નથી એવો એમણે નિશ્ચય કરેલો ! શ્રાવકોએ સાધુવેષ લાવી આપ્યો. નવદીક્ષિત ખૂબ ખુશ થયા. કેવો જોરદાર વૈરાગ્ય ! ભાગ્યશાળીઓ ! સંસારમાં કંઇ નથી. આત્મહિત સાધવા વ્રતો યથાશક્તિ લો.
૭. દીક્ષારાણા ખંભાતના નગરશેઠ પોતાના સંતાનોને નાનપણથી દીક્ષામાં જ સાચું કલ્યાણ છે એમ વારંવાર સમજાવે. લગ્નનો વરઘોડો નીકળે ત્યારે પણ પૂછે કે બેટા ! હજુ પણ ઇચ્છા થતી હોય તો આ વરઘોડાને દીક્ષાના વરઘોડામાં ફેરવી નાખીએ ! કેવો
જૈન આદર્શ પ્રસંગો-૩]
છિ
[૧૦૯]
