________________
૧૫. નવકારથી ઝેર ઉતર્યું ! ઉગ્ર સંયમી વિનયપ્રભાશ્રીજી સાધ્વીજીએ દીક્ષા લીધાને ૫૫ વર્ષ પૂર્ણ કર્યા છે. તેમણે પોણા આઠ કરોડથી પણ વધુ નવકારમંત્રના જાપ કરીને સિદ્ધિ પ્રાપ્ત કરી લીધી છે ! આ જ નવકાર મંત્રના જાપથી સાધ્વીજી વિનયપ્રભાશ્રીજીએ કેટલાક ચમત્કારો પણ સર્જી દીધા છે.
કોલ્હાપુરમાં વિહાર વેળાએ તેમને છાતીમાં દુઃખાવો ઉપડ્યો હતો. અમદાવાદમાં નારણપુરાના ડૉ. સુરેશ ઝવેરીને બતાવ્યું હતું. ડૉક્ટરે છાતીમાં કેન્સરની ગાંઠ હોવાનું જણાવીને ગાંઠ કાઢવા ઓપરેશન કરવાની સલાહ આપી હતી. સાધ્વીજીએ ઓપરેશનનો ઇન્કાર કરી દીધો અને નવકારમંત્રના જાપ શરૂ કરી દીધા હતા અને એક દિવસ લોહીની ઉલટી થતાં ડૉક્ટરને બોલાવવામાં આવ્યા. ડોક્ટર સુરેશ ઝવેરીએ આ લોહીની ઊલટી અંગે ચકાસણી કરતાં કેન્સર ગાયબ થઇ ગયાનું જણાતા જ તેઓ આ ચમત્કારથી ખુશ થયા. ગુજરાત આવતાં સાધ્વીજીના પગે નાગણ કરડી હતી. સાધ્વીજી વિનયપ્રભાશ્રીજીએ નવકારમંત્ર પર હાંસલ કરેલી સિદ્ધિના ભરોસે ડૉક્ટર બોલાવવાની ના પાડી દીધી હતી અને એ જગ્યાએ બેસી જઈને નવકારમંત્રના જાપ શરૂ કરી દેતાં તેમના મુખમાંથી લીલું કાચ જેવું પાણી નીકળ્યું અને નાગણનું ઝેર ઊતરી ગયું !
જિંદગીભર કાપ નહી કાઢવાની ટેક રાખી હોવાના કારણે સાધ્વી વિનયપ્રભાશ્રીજી મેલા કપડાવાળા મહારાજ તરીકે પણ ઓળખાય છે.
મુંબઇગરા વગેરેએ આવા ચમત્કારિક શ્રી નવકાર મંત્રને ટ્રેઇન વગેરેમાં તથા નવરાશ સમયે રોજ ખૂબ ગણી આત્મહિત સાધવું જોઇએ. જૈન આદર્શ પ્રસંગો-ર) કુષ્ટિક [ ૬૫ |
