________________
માનવભવની રક્ષા કરી! તમે પણ સર્વત્ર હિતકર ચોવિહાર વગેરે આરાધના જીવનમાં ખૂબ વધારો એ જ હિતશિક્ષા.
૯. જાપનો પ્રભાવ પ.પૂ.પં. શ્રી રત્નસુંદરવિજય મ. ને એક યુવાન વિનંતી કરી તેના ઘરે લઈ ગયો. તેના કહેવાથી તેની માને છોકરાનું નામ પૂછ્યું. મા તોતડાતી ન .... ન માંડ બોલે છે. (પુત્રનું નામ નગીનદાસ હતું.) પછી શ્રી નવકાર સંભળાવવાનું કહેતાં મા આખો નવકાર સ્પષ્ટ બોલ્યા ! ફરી પુત્રનું નામ પૂછતાં તોતડાય. મહારાજશ્રીએ શ્રાવકને હકીકત પૂછતાં નગીનભાઈએ કહ્યું, “હોંશિયાર ડૉક્ટરોને બતાવ્યું. તેમણે બધું ચેક કર્યું. કારણ ડોક્ટર પણ નક્કી નથી કરી શકતા. પણ હકીકત એ છે કે મારા માતુશ્રીએ ૪૦ વર્ષથી રોજ નવકારમંત્રનું રટણ કર્યું છે. તેથી આજે ૮૦ વર્ષની ઉંમરે બીમારીમાં ભલે મારું નામ નથી બોલી શકતા પણ નવકાર સ્પષ્ટ બોલી શકે છે ! જાપનો કેવો મહિમા ? એમને પણ આશ્ચર્ય થાય છે.” તમને અનંત પુણ્ય મળેલા નવકારને એવો આત્મસાત્ કરો કે સુખમાં, દુઃખમાં ને મરતા એનું સ્મરણ થઈ જ જાય.
૧૦. “સમરો મંત્ર ભલો નવકાર”
શ્રી નમસ્કાર મહામંત્રનો મહિમા અપરંપાર છે. ચૌદ પૂર્વના સારભૂત આ મહામંત્રના પ્રભાવ વગેરેનું પૂરું વર્ણન કરવું ખરેખર અશક્ય છે. શાસ્ત્રોમાં મહામંત્રાધિરાજનો મહિમા જણાવતાં અનેક કથાઓ, પ્રસંગો વર્ણવાયેલાં છે. પરંતુ વર્તમાનકાલમાં પણ બનતા ચમત્કારિક અદ્દભુત પ્રસંગો આપણી શ્રદ્ધા વધારે છે!
[ન આદર્શ પ્રસંગો-]
[૫૯]
