________________
થાય. થાક, ચક્કર, અશક્તિ ખૂબ છે. હવે શું કરવું? પરંતુ મન મજબૂત હતું. દાદાને પ્રાર્થના કરે છે, “હે દાદા, તારો પ્રભાવ ખૂબ જ છે. હવે સાત જાત્રા તું પૂર્ણ કરાવજે, જેથી મારે હવે ભવભ્રમણમાં ભમવાનું ન થાય”. ગદ્ગદ્ ભાવથી પ્રભુને હાર્દિક પ્રાર્થના કરતાં ધીમે ધીમે ચઢતા દાદાને દરબારે પહોંચ્યા.
ત્યાં જ દરવાજો બંધ કરવાનો સમય થયો. ચૈત્યવંદન કર્યું. દાદાએ પોતાની એક મહેચ્છા પૂર્ણ કરી એનો અત્યંત આનંદ અનુભવ્યો. અનંતકાળનો થાક ઊતરી ગયો. મન નાચી ઊઠ્યું કે કેવું સુંદર ! ત્રણ ભવમાં મોક્ષમાં જવાનું નક્કી થઈ ગયું. ! વાહ પ્રભુ ! તે કમાલ કરી.” આમ પરમાત્માની સહાય બધાને નક્કી મળે છે.
શ્રી સિધ્ધગિરિજીનો અચિંત્ય પ્રભાવ અત્યારે પણ ઘણા સાક્ષાત્ અનુભવે છે. હે ભવ્યો ! તમે પણ શાશ્વતગિરિની વિધિપૂર્વક ખૂબ ભાવથી યાત્રા, ભક્તિ આદિ વારંવાર કરી સમ્યકત્વ, સંયમ, સદ્ગતિ અને શિવસુખ આદિ મેળવો એ જ સદા માટે અંતરની કામના.
૩૧. ધર્મ ઉમંગથી પગદર્દ-નાશ હેમાબેન વડોદરાના છે. માતાએ ધર્મના ગાઢ સંસ્કાર આપેલા. તેમને જમણા પગે ઘણાં મહિનાથી ખૂબ દર્દ થતું હતું. ઉઠતા, ચાલતા, બેસતા તકલીફ ઘણી થાય. હેમાબેનને આ પર્યુષણમાં શ્રી કલ્પસૂત્ર લેવાની અંતરમાં ભાવના જાગી ! પણ બીજા ભાગ્યશાળીએ લાભ લીધો. છતાં ભાવના જોરદાર. તેથી પછી જન્મ વાંચન પ્રસંગે ભગવાન પધરાવવાનો ચડાવો લીધો !
ભગવાનને વાજતે ગાજતે ઘરે લઇ ગયા. હૈયામાં હર્ષનો પાર નથી. રાત્રિ–જગો કર્યો. સકલ સંઘ સાથે પ્રભુના ગુણગાન
જૈન આદર્શ પ્રસંગો-૧
૪૭]
૪૭.
