________________
લગાડવું ભૂલી ગઈ છું. જો રાહ જુવો તો નમણ લગાડી આવું.” શ્રાવકે હા પાડી. બહેન ગયાં, નમન લગાડ્યું; અને પાછા ફરતા દેરાસરના ઉંબરા સુધી આવ્યાં અને ગાંઠ અડધી થઈ ગયેલી ભાઇએ જોઇ ! સ્કૂટર ઉપર બેસીને ઘેર આવ્યાં; ત્યાં સુધીમાં તો સંપૂર્ણપણે ગાંઠ ઓગળી ગઇ ને બધી પીડા શાંત થઈ ગઈ ! ઉપવાસ સારો થયો તથા પારણું પણ સુંદર થયું. પંદર દિવસ પછી ડૉક્ટરે ગાંઠ ન હોવાથી, બધા નવા રિપોર્ટ કઢાવ્યા. તપાસ્યું તો લોહીના એક ટીપામાં પણ કેન્સરની સ્ટેજ પણ અસર ન હતી !
દુનિયા જેની પાછળ ગાંડી છે તે વિજ્ઞાન વર્ષોથી અબજો રૂપિયા ખર્ચા ઘણા ‘રિસર્ચ કરવા છતાં કેન્સરને મટાડવાનો ઉપાય નથી કરી શક્યું. પણ અસાધ્ય ગણાતા કેન્સરને પ્રભુભક્તિ ૨-૫ મિનિટમાં કેન્સલ કરવાનો ચમત્કાર આજે પણ કરે છે. આવા પરમ તારક અરિહંત ભગવંતોની ભાવથી સદા ભક્તિ કરી અનંતા કર્મોનો નાશ કરી પરમ સુખ અને શાંતિ તમે પણ મેળવો એજ શુભેચ્છા.
૨૮. ધર્મપ્રભાવે મૃત્યુથી બચ્યા સંસ્કારી અને ખૂબ ધર્મિષ્ઠ એવા મારા પરિચિત સુશ્રાવકનો નીચે આપેલો તેમના પુત્રનો સંપૂર્ણ સાચો પ્રસંગ વાંચી ધર્મના અચિંત્ય પ્રભાવમાં શ્રદ્ધા વધારો.
એન્જિનિયરીંગની છેલ્લી પરીક્ષા આપી ૨૫-૬-૮૨એ વિજય વિદ્યાનગરમાં સગાને મળવા ગયો. ત્યાંથી મિત્ર સાથે સ્કૂટર ઉપર ફરવા નીકળ્યો. રસ્તે અકસ્માત થયો. સ્કૂટર અથડાયું. બંને પડ્યાં. મિત્રો બચી ગયો. વિજયને માથામાં ભારે ઇજા થઇ. સાંભળી સગા પહોંચી ગયા. ખૂબ સીરીયસ જોઇ સ્થાનિક ડૉક્ટર પાસે પ્રાથમિક સારવાર કરાવી. લોહી અને લૂકોઝના બાટલા આપવા માંડ્યા. વડોદરા હોસ્પિટલમાં લઇ જવા સલાહ મળી. | જૈન આદર્શ પ્રસંગો-૧ ૪૪]
