________________
અંદર જાય તે પહેલાં તો ટ્રેઈન ઉપડી !
રિખવચંદજીએ વિચાર્યું કે હવે વિજયવાડા કાલે જઈશ. તેમને મહત્વના કામે તાત્કાલિક વિજયવાડા જવાનું હતું. પણ કુલીએ ટ્રેન ચુકાવી દીધી. વિચાર્યું કે હવે કેસરવાડી દાદાની પૂજા, ભક્તિ કરી પછી ઘરે જઈશ. રસ્તામાં યાદ આવ્યું કે આજે પોતાને મદ્રાસની બહાર ન જવાનો નિયમ હતો. ઓચિંતું તાકીદનું કામ વિજયવાડાનું આવી જતાં પોતે નીકળી પડયા. પણ કૂલીએ ઉતારી દીધો તે સારું થયું, નહીં તો ભૂલથી મારો નિયમ ભાંગત.
રિખવચંદભાઈ ખૂબ ધર્મિષ્ઠ હતા. મદ્રાસના પ્રસિદ્ધ શ્રાવક હતા. નવકારજાપ વગેરે ધર્મ ખૂબ કરતા. સરળ અને શાંત હતા. કેસરવાડીમાં ભાવથી ભક્તિ કરી ઘરે પહોંચ્યા. ત્યારે ઘરમાં તો રોકકળ અને શોક હતો. તેમને જોઇ ઘરવાળાં બોલ્યાં: “તમે આવી ગયા ? બહુ સારું થયું. અમે તો તમારી ચિંતા કરતા હતા.”
કેમ શું થયું? એમ રિખવચંદજીએ પૂછતાં ઘરનાએ કહ્યું, “તમારી ટ્રેનને ભયંકર અકસ્માત થયો એ સમાચાર મળ્યા. ઘણા બધા મરી ગયા; થોડા જ બચ્યા છે. તમે કેવી રીતે બચ્યા?” સાંભળી રિખવચંદજીને બધો ખ્યાલ આવી ગયો. બનેલી હકીકત ઘરનાને કહી ત્યારે બધાં સમજી ગયાં કે નક્કી ખૂબ ધર્મી હોવાથી રિખવચંદજીને કોઇ દેવે માનવ રૂપે આવી ઉતારી મૂક્યા !! નહીંતર ટિકિટ હોય પછી ટી. સી. પણ ન ઉતારે, કુલી તો કોઇને પણ ન ઉતારે. આવા કલિકાળમાં પણ ધર્મ કેવી અદૂભૂત સહાય કરે છે એ વિચારતા રિખવચંદજી અને ઘણાંની શ્રદ્ધા ખૂબ વધી ગઇ.
આવા મહિમાવંતા ધર્મની શ્રદ્ધા અને આરાધના તમે બધાં પણ ખૂબ ખૂબ કરો, જે તમને સર્વને સુખ અને શાંતિ આપે !
જૈન આદર્શ પ્રસંગો-૧
ડીડ [૪૦]
