________________
પરલોકગમનવેળાએ આ ધર્મ અને જાપ આપણા હોઠે અને હૈયે હોય, હોય ને હોય જ.
૧૫. શ્રી સીમંધરસ્વામીજીનો પ્રભાવ
શ્રી સીમંધર ભગવાનના અતિશયથી અત્યંત બીમાર પણ તદન સાજા થઇ ગયા !!! વડોદરાના કમલાબહેન ખૂબ બીમાર થઇ ગયા. દવા ચાલુ રાખવા છતાં રોગ વધતો ગયો. તેમને તો એમ જ થઇ ગયું હતું કે હવે તો મૃત્યુ પાસે જ છે. પથારીમાંથી ઉઠાતું પણ ન હતું. સૂતા સૂતા માત્ર નવકાર ગણી શકતા હતા. સામે મોત જોઇ ડર લાગવા માંડ્યો કે હવે નક્કી દુર્ગતિમાં જવું પડશે, કારણ આરાધના તો કંઈ કરી નથી.
આ ટેન્શનમાં એક વાર ભાવના થઇ કે શ્રી સીમંધરસ્વામી ભગવાન તો અત્યારે પણ મહાવિદેહમાં છે, અને તેમના એવા મહાન અતિશયો છે કે ઘણાં બધાં લોકોના રોગનો નાશ થઇ જાય છે. આ વિચાર આવતા જ એમણે ભગવાનને ભાવથી પ્રાર્થના કરી કે “ હે નાથ ! આપના અતિશય અહીં સુધી ફેલાવો અને મારો રોગ નાશ કરો.” આ જ ભાવનામાં એ રમવા માંડ્યા ! આ ભાવથી મન પ્રસન્ન બની ગયું ! ઉંઘ આવી ગઇ !
હવે જુઓ ભગવાનનો ચમત્કાર ! બીજા દિવસે કમલાબહેન જાગ્યા ત્યારે તેમને સ્કૂર્તિ લાગવા માંડી. સહેલાઇથી ઉભા થઇ શક્યા. મનમાં એમ થવા લાગ્યું કે હવે કોઇ તકલીફ નથી ! પછી તો તબીયત સુધરવા લાગી. અઠવાડિયામાં તો રોગ સંપૂર્ણ મટી ગયો !!! ભગવાનના અતિશય નરકમાં પણ કામ કરે છે, તો અહીં ભરત ક્ષેત્રમાં પ્રવર્તે તેમાં શું આશ્ચર્ય ! આ શ્રાવિકા રોજ ઉઠી શ્રી સીમંધર ભગવાનનું ચૈત્યવંદન ભાવથી કરતા હતા. પછી જ બધા કામ કરે. આમ શ્રદ્ધા ભક્તિવાળા ધર્મીને તરત લાભ થાય જૈન આદર્શ પ્રસંગો-૧
[ ૨૫ ]
