________________
3
છે. તમો તમોને જે લાગે તે જરૂર કહેતા જજો જેથી સીઝતું જ અપાય. કેટલીક વાર સીઝતું ન અપાય તો સારી વસ્તુ હોવા છતાં અનર્થકારી નીવડવાનો ભય ઊભો થાય છે. એ શુભ લક્ષણ છે કે તમો કહેતા રહો છો લખીને પણ.
(૨) શ્રી જે.પી. છૂટ્યા અને હવે સંપૂર્ણપણે મુક્ત થયા તે જરૂરી જ હતું. મારા નમ્ર મતે પ્રિય મોરારજીભાઈ તેમના પહેલા છૂટવા જોઈતા હતા. મતલબ હવે આ બધી શક્તિઓ વહેલામાં વહેલી તકે પરસ્પર પૂરક બને તે જરૂરી છે. ઇન્દિરાબહેનનું મૂલ્યાંકન અત્યારે કરવું કદાચ અકાળે થઈ જવા સંભવ છે, એટલે ત્રણેય વ્યક્તિઓ પર પરસ્પર પૂરક બને ત્યાર બાદ જ ઇન્દિરાબહેનનું મૂલ્યાંકન કરવું ઠીક થશે. જે પગલાં ઝડપથી લેવાયાં તે વિશે બેમત છે અને રહેવાના. કારણ આખુંય જગત આજે તોફાની વંટોળમાં ચઢી ગયું છે, એના છાંટા ભારતને પણ ઊડે તે દેખીતું છે. આવે વખતે આ ધર્મપ્રધાન દેશમાં ધાર્મિક વિચારો તરફ વળવું જરૂરી છે. પ્રિય મોરારજીભાઈ વિશેની વાત સાંભળી આનંદ થયો તે જ સાચો માર્ગ છે.
(૩) અહમ્નું મૂળ વિશ્વને ન ઓળખવું તે છે. જો બધા મારા છે એમ સમજાય તો અહતા અને મમતા બંને ઉપર કાબૂ આવવા મંડી જાય. આ અંગે ભર્તુહરીનો શ્લોક વિચારવા જેવો છે. “જ્યારે કદી નહોતો જાણતો ત્યારે દરિયા જેવો કે મદોન્મત્ત હાથી જેવો ગુમાની હતો. હવે સત્સંગથી કિંઈક સમજવા લાગ્યા કે અહંકારનો તાવ છેક ઊતરવા લાગી ગયો છે. અને મારી અપાર મૂર્ખતાનું ભાન થવા માંડ્યું છે.”
- સંતબાલ
તા. 25-11-75
અહમ સાથે સતત જાગૃતિ આવશ્યક
ગુરુશક્તિ અનુસંધાનમાં જે ભયસ્થળ છે તે પણ ધ્યાનમાં લેવું પડશે. કષાયો અને પૂર્વગ્રહોએ ઘેરાયેલા મનમાં ગુરુશક્તિનો પ્રકાશ આવવા દેવો, ગુરુશક્તિને કામ કરવા દેવી, તે લખવા કે બોલવા જેટલું સહેલું નથી વહેવાર પ્રક્રિયાનું મોટું નડતર અહંકાર આવે છે એટલે સમર્પણ દ્વારા શ્રદ્ધા અને ભક્તિ દઢાય નહીં. તે દીર્ઘ સાધના કાળ દરમિયાન અહમ્ સાથે સતત
શ્રી સદ્ગુરુ સંગે : વિશ્વને પંથે
