________________
૩૪
ચિંચણ, તા. 28-12-74 સામાનો ખોટો વળાંક હોય તોયે ઉદાસીનતા રાખવી
(૧) સામા પ્રત્યે એનો જો ખોટો વળાંક હોય તોયે ઉદાસીનતા રાખવી, તે સંબંધ વધારવામાં ઉપયોગી થાય છે. પરંતુ “સત્ય”, “પ્રેમ અને ન્યાય' એ ત્રણેયને સાચવવાનું તો પળેપળ ખરું જ. ન્યાય માર્યો ન જાય અને સત્ય પ્રેમયુકત બને તેમાં જ સાર્થકતા છે, સાધનાની પ્રગતિ છે.
(૨) દક્ષિણ આફ્રિકામાં દાન મળ્યું, ભલે થોડું પણ સહેજે મળ્યું તે ઘણું સારું થયું. વિ.વા.ના ગ્રાહકો પણ બન્યા અને જરાય ઠોકી બેસાડવા જેવું ન લાગે છતાં સહજ સહજ રીતે વાતોમાં પ્રચાર થઈ જાય, તે ઘણું ઉત્તમ
થયું.
(૩) સંબંધો વધ્યા તે પણ “વિશ્વમયતા’ની દિશામાં મળેલી કુદરતી સહાય છે. એ સંબંધો વધુ ને વધુ કાર્યક્ષમ બને, તેવું થવું જોઈએ.
(૪) દક્ષિણ આફ્રિકાના પ્રવાસની ફલશ્રુતિ સારી લાગે છે.
(૫) અનુબંધવાનું (સંબંધ જોડાણનું) કામ બન્યું તે ભવિષ્યમાં કદાચ ઉપયોગી બનશે.
- “સંતબાલ'
માંદગી એ મૂળે તો આપણી કૃતિ છે
(૧) શ્રીમદ્જીએ સ્વચ્છંદ અને પ્રતિબંધ; આદ્ય જગદગુરુ શંકરાચાર્યે અહમતા અને મમતા તથા સામાન્ય રીતે રાગ-દ્વેષને કેમ દૂર કરવાં એ માટે મોહ અને પ્રેમ વચ્ચેનું તત્ત્વ જેમ સમજવા જેવું છે તેમ મોહ સંબંધ અને કર્તવ્ય સંબંધ વચ્ચેનું તારતમ્ય પણ સમજવા જેવું જ છે.
(૨) માંદગી એ મૂળે તો આપણી જ કૃતિ છે. જે સંયમ યુવાનીમાં સહેજે ન પળાય, ત્યાં આવું પરિણામ આવે જ. એમ ધારી પ્રભુ-ગુરુકૃપા યાચવી અને પ્રસન્ન મન રાખવું જરૂરી છે.
(૩) “આદર્શ ગૃહસ્થાશ્રમની આખાયે જગતમાં જે અનિવાર્યતા છે” તે વાત સાચી છે.
શ્રી સદગુરુ સંગે : વિશ્વને પંથે
