________________
BG
(૨) મહિલા જાગૃતિ એવોર્ડ
મહિલાઓની સર્વાગી જાગૃતિ માટે રચનાત્મક અને બિનરાજકીય તેમજ રાજકારણના પ્રત્યક્ષ/પરોક્ષ વર્ચસ્વથી મુક્ત એવી કોઈપણ સ્ત્રી સંસ્થા અથવા
વ્યક્તિને દર વર્ષે રૂપિયા ૨૫,૦૦૦/-નો એવોર્ડ આપવો. આમ, ૧૯૯૬ના વર્ષથી દર વર્ષે ત્રણ એવૉર્ડ આપવાનું ટ્રસ્ટી મંડળે ઠરાવ્યું છે.
ઉદ્દેશો અને અભિગમ ઉદ્દેશો : ૧. સત્તા અને ધનસંપત્તિના પ્રભાવમાં આવ્યા વગર આધ્યાત્મિક અને સામાજિક
મૂલ્યોને આધારે સમાજની પુનર્ચના કરવી. ૨. ભારતમાં સૌ શુભ, આધ્યાત્મિક અને સામાજિક બળો વચ્ચે સંકલન, અનુબંધ
અને સુમેળ સાધવો. ૩. વહીવટી સત્તા ઉપર આધાર રાખવા સિવાય લોકશક્તિ જાગ્રત કરવા માટે તથા
તેનું સંગઠન સાધવા સારુ તમામ શક્ય પ્રયાસ કરવા. સંતબાલજી જે ગાંધીવાદી આદર્શોને આગળ ધપાવવા માટે મથતા હતા અને જેને જીવન સમર્પણ કર્યું તે માટે સંશોધન અને શૈક્ષણિક પ્રવૃત્તિઓ હાથ ધરવી. આ હેતુ સિદ્ધ કરવા માટે શાળાઓ, કૉલેજો, યુનિવર્સિટીઓ સ્થાપવી, શિષ્યવૃત્તિઓ આપવી, જે વ્યક્તિએ કે સંસ્થાએ આધ્યાત્મિક અને નૈતિક મૂલ્યો પર આધારિત સામાજિક વ્યવસ્થાની પુનર્રચના માટે અનેઅથવા ગામડાંની અર્થવ્યવસ્થાની પુનર્રચના માટે અને/અથવા ભારતમાં સાંસ્કૃતિક અને સામાજિક બળો વચ્ચે અનુબંધ અને સુમેળ સાધવા માટે અને/અથવા ભારતના કોઈપણ ભાગમાં લોકશક્તિ જાગૃત કરવા અને સંગઠિત રીતે કામે લગાવવા માટે અમૂલ્ય સેવાઓ આપી હોય તેમને એવોર્ડ આપવા.
અભિગમ ઉપરોક્ત ઉદ્દેશો સિદ્ધ કરવા આ ટ્રસ્ટ પોતાની પ્રવૃત્તિઓ હાથ ધરતી વખતે નીચેનો અભિગમ અપનાવશે. ૧. ટ્રસ્ટ પોતાની કોઈપણ પ્રવૃત્તિમાં નાત, જાત, ધર્મ, લિંગનો કોઈ ભેદભાવ રાખશે
નહિ . ૨. આ ટ્રસ્ટ એવી કોઈ પ્રવૃત્તિઓ હાથ ધરશે નહિ જેને કારણે કોમી કે ધાર્મિક
દ્વેષભાવના પેદા થાય. ૩. આ ટ્રસ્ટ કોઈપણ પ્રકારના સત્તાના રાજકારણમાં પડશે નહીં, અને કોઈપણ જાહેર
બાબતમાં માત્ર તેના ગુણદોષને આધારે જ નિર્ણય લેશે.
15
