________________
૧૨૫ (૧૩) પ્રથમ કરતાં પ્રકૃતિમાં ખૂબ સુધારો છે. પણ હજુ બીજાની ત્રુટી તુરત શોધાઈ જાય છે, ખૂંચે પણ છે. તેમ ન થવું જોઈએ. કામ ગમે છે તે સારી વાત છે. અત્યારે તો તમો ભાવિ આશાસ્પદ જણાઓ છો.
(૧૪) તમારી શ્રમશક્તિ અને બુદ્ધિ બન્ને ઉચ્ચ પંક્તિનાં છે. વાણી કરવત જેવી ઘણીવાર બની જાય છે. જાહેરમાર્યોમાં એમ ન ચાલી શકે. તમો ભવિષ્યની એક ઊજળી આશા છો એટલે ખૂબ જાગૃતિ, ધૈર્ય, સહનશીલતા, સ્નેહ વગેરે પ્રમાણ જળવાય તો અતિ સુંદર આજ કરતાં ક્યાંય ઉત્તમ કાર્ય બની શકશે. ઉપર મુજબ કુલ ૧૪ વ્યક્તિનું ગુરુદેવનું સ્વભાવ નિરીક્ષણ લીધું.
આ જે સ્વભાવ record ખૂબ ચિંતનપૂર્વક ગુરુદેવે ૪૨ વર્ષની વયે લખ્યો છે તેમાં એક વિશેષતા સળંગ તરી આવે છે. નવ પાનાના આ આખાએ લખાણમાં એક પણ સ્થળે-વ્યક્તિને-ગુરુદેવે લખ્યું નથી કે હવે પછી મારું માર્ગદર્શન સ્વીકાર અગર તો મને ગુરુ તરીકે માન. એટલું જરૂર લખ્યું છે કે “માર્ગદર્શન યોગ્ય સ્થળેથી મેળવતા રહેશો તો જરૂર આગળ ધપી શકશો.”
ગ્રામ્ય સંસ્કારનું મહાધન સારું થયું કે “તમો ગૂંદી લાંબા સમય માટે નહીં તોય ટૂંકા સમય માટે પણ જઈ આવ્યા.” લાંબા સમય માટે જઈ શક્યા હોત તો જેમ ભીમજીભાઈ જેવા ભડવીર ખેડૂતને અને જવારજમાં ફલજીભાઈના કુટુંબને સહજ સહજમાં ખડોલના કોઠાસૂઝ વાળા કેશુભાઈને મલી શક્યા, તેમ અનેક બીજા ખેડૂતોને, મજુર ગણાતા કુટુંબોને, હરિજન અને શિયાળમાંની પઢાર કોમને તે બધામાંના પૂર્વના અને નવા સંસ્કારોને, કળાદષ્ટિને વગેરે અનેક બાજુ પ્રજા (ભાલ નળકાંઠાની)ને જોઈ શકત. પણ આટલું રહેવાનું થયું અને તમારી તબીઅતને એ અપ્રતિકૂળ થયું, એટલું જ નહીં, ઊલટ અનુકૂળ થયું. ઘણું સારું થયું. આપણો દેશ મૂળે ગામડામાંજ વસ્યો છે. બાપડા અમેરિકાનાં જિજ્ઞાસુ અભ્યાસીઓ બકરાણા જેવા ગામડામાં અને માત્ર નાનીસરખી ઓસરીમાં મહિનાઓ ગાળી “અથથી ઇતિ” અભ્યાસ કરે છે, જ્યારે આપણે આપણી સાવ નજીકમાં રહેલું આ મહાધન પામી જ શકતા નથી.
ભીમજીભાઈ આટલા ભડવીર, સાધન સંપન્ન અને દરબારો સાથેના ગાઢ પરિચયમાં રહેનાર, તોય ડૉ.ની ભલામણ થાય, ત્યારે પણ દારૂને
શ્રી સગર સંગે : વિશ્વને પંથે
