________________
૧૦૨
શ્રદ્ધાર્થીની ગુરુશ્રદ્ધા ડામાડોળ થાય ત્યારે થોડી વાર અસફળતાને સહન કરી લેવાય તો સફળતા
સફળતા જ છે (૧) તમારી મુશ્કેલી સાચી છે. જ્યારે ચોમેર વાતાવરણ ધૂંધળું હોય ત્યારે તાત્કાલિક વ્યવહારમાં સફળતા ન સાંપડે ઊલટું અસફળતા જ વ્યવહારમાં નજરે ચડે છે. જે કારણે સત્યાર્થીની ગુરુશ્રદ્ધા ડામાડોળ થવા માંડે; પરંતુ થોડી વાર વ્યવહારમાં સાંપડતી અસફળતાને પણ સહન કરી લેવાય તો પછી તો સફળતા સફળતા જ છે. પરંતુ આથી જ કહ્યું છે “દેર હૈ લેકિન અંધેર નહીં”. પરંતુ વ્યવહાર અસફળતાથી મોટે ભાગે સાધક-સાધ્વી, સેવક કે સેવિકા હારી બેસે છે ત્યારે અત્યાર સુધી રાખેલી શ્રદ્ધાના ફળ ઉપર પાણી ફરવા જેવી દશા ઊભી થાય છે.
-
નિમિત્ત નાનું હોય કે મોટું બન્ને એકસરખો ભાગ ભજવે છે (૨) નાનો લાગતો માણસ પણ અગ્નિકસોટીનો નિમિત્ત બની શકે અને વધુ ખૂબી બીજી પણ ત્યાં છે, તે એ કે નાનો લાગતો માનવી આવું ન જ કરે, એ ખુમારી આપણા મનમાં હોય છે. કુદરત તે ખુમારી પણ કાઢી નાંખવા માગતી હોય છે. માપ નાનું કે મોટાનું સામાન્ય રીતે આપણું હોય છે, તે યથાર્થ હોતું નથી. નિમિત્ત તો સામાન્ય હોય કે વિશેષ હોય પણ તે એક સરખો ભાગ ભજવી શકે.
સામી વ્યક્તિ મારા સંગથી અસામાન્ય બની તેવું વિચારવાની રીત બરાબર નથી
“સામો માણસ સામાન્ય હતો અને મારે ત્યાં આવી અસામાન્ય બન્યો’ એવી વિચારવાની રીત ન હોવી જોઈએ. ઊલટું અમારા બંનેના સંબંધો હતા એને લાભ મળ્યો, તો ભલે મળ્યો. એનું કલ્યાણ થાઓ ! મારે મારી સૌજન્યવૃત્તિ છોડવી નહીં. એ છોડે તો ભલે છોડે. તે પણ મારા નિમિત્તે દુર્જનતા આવી હોય તો છોડી દે, એવી જ મારી તો પ્રભુપ્રાર્થના હોય ! એમ જ વિચારવું ઘટે.
સંતબાલ
શ્રી સદ્ગુરુ સંગે : વિશ્વને પંથે
