________________
૦૩ ભક્તિભર્યા શ્રાવક તુરત લખી આપે તે કયા મુનિને ન ગમે ! પરંતુ તે મુનિઓને સ્વપ્રમાંય કલ્પના નહિ હોય કે આજનો લહિયારૂપે દેખાતો લોકાશાહ થોડાજ સમય પછી એક મહાન ક્રાન્તિકાર થઈ મહાવિપ્લવ જગાડશે અને ધર્મને નામે ચાલતા ધતીંગને આ જ શાસ્ત્રોમાંથી સત્ય ખેંચીને તે સત્ય દ્વારા બંડ જગાડશે. મૂર્તિપૂજાના વિકારોને, સાધુશાહીને અને શૈથિલ્યને થોડાજ કાળમાં કંપાવી મૂકશે, લોકહૃદયનો વિજેતા બનશે.
ખરેખર લોંકાશાહનું કાર્ય વાયુવેગે આગળ વધતું હતું. તેને ગમે તે શક્તિ સહાયકારી હો પરંતુ કદી કોઈએ નહિ ધારેલું, નહિ કલ્પેલું, પ્રાચીન છતાં અર્વાચીન લાગતું, તેણે થોડા સમયમાં કરી દેખાડ્યું.
દશવૈકાલિકના પહેલા શ્લોકમાં આવેલા અહિંસા સંયમ અને તપ એ આ મહાન વિપ્લવમાં તેનાં મહાન આયુધો હતાં.
જેમજેમ સૂત્રો પોતાના હસ્તમાં આવે તેમતેમ પોતે લખે અને બીજી બાજુ સામે બીજી નકલો તૈયાર થતી આવે. અનેક લહિયાઓ તેણે આ કાર્ય માટે રોક્યા હતા.
ઘર્મપ્રાણઃ લોંકાશાહ
