Page Text
________________
૧૦૩
ધરાવે છે અને માણેકચંદજી મહારાજ મિલનસાર સ્વભાવના, શાંત, વિદ્વાન સાધુ છે. તેમના સંપ્રદાયમાં સાધુજીની કુલ સંખ્યા લગભગ પાંચ-સાતેક હશે. લીંબડી નાનો સમુદાય
લીબડી નાના સમુદાયમાં આઠેક સાધુઓ અને વીસેક સાધ્વીજીઓ વિચરે છે. તે સંપ્રદાયમાં પૂજ્ય સ્થાને શ્રી મોહનલાલજી મહારાજ બિરાજમાન છે. તેઓ શાસ્ત્રીય જ્ઞાનના બહુ ઊંડા અભ્યાસી છે. તે સંપ્રદાયમાં પંડિત મુનિશ્રી મણિલાલજી મહારાજ બહુશ્રુતી હોવા ઉપરાંત જૈનશાસ્ત્રમાંના જ્યોતિષનું પણ સારું જ્ઞાન ધરાવે છે.
આ રીતે એ મૂળચંદજી મહારાજના ગણનો ઈતિહાસ પૂર્ણ થાય છે.
માળવા, મેવાડ, મારવાડ, પંજાબ, સંયુક્તપ્રાન્ત વગેરે પ્રદેશોમાં પૂજ્યશ્રી ધર્મદાસજી મહારાજનો બહોળો સમુદાય વિચરે છે અને જુદા જુદા સંપ્રદાયોમાં વિભક્ત છે. તે સાધુ સમુદાયની પૂર્ણ વિગત અત્યારે મારી પાસે ન હોવાથી હું અહીં આપી શક્યો નથી. તે માટે દિલગીર છું.
ધર્મક્રાન્તિકાર અને ધર્મપ્રાણ શ્રીમાન લોંકાશાહ પછી આ પ્રમાણે સ્થાનકવાસી સમુદાયના એ ત્રણ મહાન જ્યોતિર્ધરો થયા. આજે ભારતવર્ષમાં સ્થાનકવાસી મુનિરાજ તરીકે સાધુત્વની માનવંતી કક્ષામાં સ્થાન ધરાવતા ૨૦૦૦ ઉપરની સંખ્યામાં સાધુસાધ્વીજીઓ ભિન્ન ભિન્ન પ્રદેશમાં આજ પણ વિચારી રહ્યા છે.
ભારતવર્ષના જૈનોનો ૧/૩ ભાગ એટલે કે ૪ થી ૫ લાખ જેટલી બહોળી જનતા તેમના પવિત્ર સિદ્ધાંતોને આજે અનુસરી રહી છે.
એ ત્રણ જ્યોતિર્ધરોના અનુયાયી શ્રમણવરોનો આજે ૩૦ સંપ્રદાયો (વિભાગો)માં સમાવેશ થાય છે અને તેઓ પોતપોતાના સંપ્રદાયની આમન્યા અને ભગવાન વીરના પ્રરૂપેલા નિયમો તરફ દત્તચિત્ત રાખી માળવા, મારવાડ, મેવાડ, દક્ષિણ, પંજાબ, યુ.પી., જમનાપાર, કાઠિયાવાડ, ગુજરાત, કચ્છ ઈત્યાદિ પ્રદેશોમાં વિચરે છે અને પોતાના ક્ષયોપશમ પ્રમાણે પ્રાપ્ત થયેલાં જ્ઞાનશુદ્ધિ, ત્યાગશક્તિ અને તેજસ્વિતાદિ સાધનો દ્વારા જુદા જુદા કાર્યક્ષેત્રોમાં અને જુદી જુદી જાતિ વચ્ચે રહી ઉપદેશનો પ્રચાર કરે છે.
* જેઓ સંવત ૧૯૯૨ ના કારતક વદ ૧૧ ના રોજ સ્વર્ગવાસ પામ્યા છે.
ધર્મપ્રાણ : લોકાશાહ
| SR No. | 008096 |
| Book Title | Dharmpran Lonkashah |
| Original Sutra Author | N/A |
| Author | Santbal |
| Publisher | Mahavir Sahitya Prakashan Mandir Ahmedabad |
| Publication Year | 1997 |
| Total Pages | 109 |
| Language | Gujarati |
| Classification | Book_Gujarati & History |
| File Size | 6 MB |