________________
to Recall) સંબંધિત મતદાર મંડળને હોવો જોઈએ. આ માટે કડક પણ સાચી દિશાના નિયમો બનાવવા જોઈએ. (૮) ધર્મ, કોમ, જાત જાતના ધોરણે ચૂંટણી લડતા ઉમેદવારની ઉમેદવારી રદ કરવાની જોગવાઈ થવી જોઈએ. (૯) ચૂંટણી પંચ ત્રણ સભ્યોનું બનેલું હોવું જોઈએ. (૧૦) સ્ત્રીઓ માટે ૪૦ ટકા બેઠકો ત્રણેય સ્તરની પંચાયતોમાં અનામત રાખવી જોઈએ. અનુસૂચિત જાતિ અને અનુસૂચિત જન જાતિ માટે વસ્તીના પ્રમાણમાં અને બક્ષીપંચ માટે ૧૦ ટકા બેઠકો અનામત રાખવી જોઈએ. આ ત્રણેય વર્ગોની જેટલી અનામત બેઠકો હોય તેમાં ૪૦ ટકા બેઠકો તે વર્ગોની સ્ત્રીઓની રાખવી જોઈએ. (૧૧) ત્રણેય સ્તરની પંચાયતોના અધ્યક્ષપદોમાં અનુસૂચિત જાતિ અને જનજાતિ માટે વસ્તીના પ્રમાણમાં, બક્ષીપંચ માટે ૧૦ ટકાના ધોરણે અને સ્ત્રીઓ માટે ૪૦ ટકા પદો અનામત રાખવા. અનુસૂચિત જાતિ, અનુસૂચિત જનજાતિ અને બક્ષીપંચ આ ત્રણ વર્ગના જેટલાં પદો થાય તેમાં ૪૦ ટકા પદો તે વર્ગોની સ્ત્રીઓ માટે અનામત રાખવાં જોઈએ. (૧૨) ગ્રા.પં. ના સરપંચ તા.પં.માં અને તા. પં.ના અધ્યક્ષ જી.પં. સભામાં મત આપવાના અધિકારવાળા સભ્યો થવા જોઈએ. (૧૩) નાણા પંચ હાઈકોર્ટના ચાલુ કે નિવૃત જજના અધ્યક્ષપદે ત્રાક્ષ સભ્યોનું હોવું જોઈએ. આમાંના એક સભ્ય નાણાંકીય વ્યવહારના નિષ્ણાત હોવા જોઈએ. (૧૪) પંચાયત સેવા પંચ પણ હાઈકોર્ટના નિવૃત જજના અધ્યક્ષપદે પાંચ સભ્યોનું હોવું જોઈએ. (૧૫) ચૂંટણી પંચ, નાણા પંચ અને પંચાયત સેવા પંચના સદસ્યો કોઈ પણ પક્ષના સભ્ય હોવા ન જોઈએ. પોતે બિનપક્ષીય રીતે અને માત્ર જાહેર હિતને ધ્યાનમાં લઈને ફરજ બજાવશે એવા સોગંદ હોદો સંભાળતી વખતે તેમણે લેવા જોઈએ.
૬ ૨
