________________
વ્યક્તિને અડચણરૂપ ન થાય તે રીતે કામચલાઉ બાંધકામ સાત દિવસ સુધી કરવા દેવા માટે પંચાયત મંજુરી આપી શકશે. કોઈ નડતર કે અનધિકૃત પાક દૂર કરવાનું ગામ પંચાયતને મુશ્કેલ લાગે તો તેણે તાલુકા વિકાસ અધિકારીને જાણ કરવી જોઈએ. તા. વિ. અધિકારી
તે દૂર કરવાનાં પગલાં લેશે. (૧૧) અનધિકૃત ભોગવટા બદલ ભાડુ વસુલ કરવા બાબત
જે કોઈ વ્યક્તિએ પંચાયતને પ્રાપ્ત થયેલ અથવા તેના નિયંત્રણ હેઠળની મિલકત કે જગાનો અનધિકૃત ભોગવટો કે ઉપયોગ કર્યો હોય તો પંચાયત તેવી વ્યક્તિ પાસેથી ચાર ગણા પટ જેટલું ભાડું વસુલ કરી શકશે. એટલે કે આ મિલકત પંચાયતે પોતે ભાડે આપી હોત તો તેને જેટલું ભાડું મળ્યું હોત તેટલી રકમથી ચાર ગણું ભાડું પંચાયત વસુલ કરી શકે છે. ઉપરાંત પંચાયત એવી કસુરદાર વ્યક્તિ સામે અન્ય દંડાત્મક કાર્યવાહી પણ કરી શકે છે.
(કલમ – ૨૬૯) જગાઓને નંબર આપવા બાબત : (૧૨) પંચાયતની હદમાંનાં મકાનો, જગાઓને ધાતુની તકતીથી નંબરીંગ કરવાનું પંચાયત દરેક માલિકને ફરજ પાડી શકશે અને આ અંગે પંચાયતને થયેલ ખર્ચ મકાન માલિક પાસેથી વસુલ કરી શકશે. પંચાયતની અન્ય સત્તા, અધિકાર અને ફરજોઃ (૧) ગ્રામ પંચાયત પોતાનું વાર્ષિક અંદાજપત્ર બનાવી શકે છે અને
તેને મંજુર કરવાની સત્તા પણ ગામ પંચાયતને જ છે. બજેટ મંજુર કરતાં પહેલાં તેણે તા. પં. ને ચકાસણી માટે મોકલવું જોઈએ .
(કલમ - ૧૧૬) (૨) જે વિકાસ કાર્યક્રમ મંજુર કરવાના અધિકાર રાજ્ય સરકારને
હોય છે તે પ્રથમ તબક્કે ગામ પંચાયતે પોતાના વિસ્તાર માટે
૧૯
