________________
ગ્રામ પંચાયતની વહીવટી સત્તા અને ફરજો
-
-
-
(૧) પંચાયત ધારાના છેડે આપેલી અનુસૂચિ - ૧માં જે બાબતો જણાવેલી છે તે પૈકીની બાબતો અંગે પોતાના નાણાંકીય સાધનોની મર્યાદા અને ગામની જરૂરિયાત ધ્યાનમાં રાખીને યોગ્ય જોગવાઈ કરવાની પંચાયતની ફરજ છે.
(કલમ-૯૯). ખાસ કરીને પંચાયતે આરોગ્ય અંગેની સગવડો, સામાજિક, આર્થિક કે સાંસ્કૃતિ કલ્યાણ તેમજ માધ્યમિક શિક્ષણ સહિતના શિક્ષણ માટે જોગવાઈ કરવી જોઈએ. મુખ્યત્વે પીવાના પાણીની વ્યવસ્થા, ગામની સફાઈ, શેરીઓમાં દિવાબત્તીની વ્યવસ્થા તરફ ખાસ ધ્યાન રાખવું જોઈએ
(કલમ-૧૦૦) (૨) ગ્રામ પંચાયતે પોતાની હકુમત બહારના વિસ્તારમાં ખર્ચ કરવું હોય તો તે શિક્ષણ અથવા તબીબી સહાય અર્થે હોવું જોઈએ. જીલ્લા પંચાયતની પૂર્વ મંજુરી મેળવીને જ આવું ખર્ચ કરી શકાય. (૩) કુલ સભ્યોના ૨/૩ ભાગના ટેકાથી વિસ્તારકમાંના જાહેર સમારંભોમાં ફંડફાળો આપી શકશે.
(કલમ-૧૦૮) (૪) જે બેદરકારી કે તકરારના કારણે કોઈ જમીનની ખેતીને ઘણુ જ નુકસાન થતું માલુમ પડે તો યોગ્ય અધિકારીને તે બાબતની જાણ કરી શકશે.
(કલમ-૧૦૦) (૫) અનુસૂચિત જાતિ, આદિજાતિ અને પછાત વર્ગના ઉત્કર્ષ માટે તથા અસ્પૃશ્યતા નિવારણ માટે રાજ્ય સરકારે આપેલા આદેશોનો અમલ પંચાયતે કરવો જોઈશે. જો કોઈ પંચાયત આ ફરજ બજાવવામાં ચૂક કરશે તો પંચાયતને મળતી સમગ્ર ગ્રાન્ટ અથવા તે પૈકીની કોઈ ગ્રાન્ટ અપાતી બંધ કરવાની રાજ્ય સરકારને સત્તા છે.
(કલમ-૧૦૦) (૬) કોઈ પણ દાવા સંબંધમાં સમાધાન કરવાની સત્તા છે. (ક. ૧૦૧)
૧૬
