Page Text
________________
લાગતું હોય તે ના પૂછે ? અને પૂછે એટલે હું મીઠું મરચું ચઢાવીને કહ્યું, મહારાજ સમજી ગયા. પછી કહ્યું, હું તમને મંત્ર આપું છું વિનયનો. આખું વિશ્વ વિનયથી વશ થાય. જો પહેલી ચરી એ આપુ છું કે તારી સાસુ ર૧ વખત ગાળ દે ત્યાં સુધી તારે કંઈ ના બોલવું. મહારાજ એમ તો થાય? એ ગાળ દે અને હું કઈ ના બોલું ? પણ સાંભળ તો ખરી તું એની સેવા કરે છે ? ના રે એની સેવા હું કરું ? તો કોઈવાર પથારી કરી આપે છે ? ના. હાથે કરી લે છે. કોઈવાર એમને ગમે તેવું દાંત વગર ચાવે તેવું ખાવાનું કરી આપે છે ખરી ! ના, એની બોલી જ એવી છે કે મને કંઈ કરી આપવાનું મન ન થાય.
મહારાજે કહ્યું, બહેન હું તને મારો આ મંત્ર અને ચરી આપું છું. તેનો પ્રયોગ ત્રણ માસ માટે કર, પછી ફાયદો ના થાય તો એ છોડી દેજે.
બાઈને કંઈક શ્રદ્ધા હતી એટલે પ્રતિજ્ઞા લઈને ઘેર ગઈ પણ ઘેર ગઈ કે તરત નિમિત્ત તો તૈયાર હતું. માણસ જ્યારે પ્રતિજ્ઞા લે છે ત્યારે કસોટી આવી પડે છે. છોકરાએ ચા નહિ પીવાની પ્રતિજ્ઞા લીધી. કોઈએ જાણ્યું એટલે સાંજ માટે છૂટ હતી તેનો ઉપયોગ કરી પ્રતિજ્ઞા તોડાવી. આમ વહુ ઘેર ગઈ કે તુરત સાસુએ ઊધડી લીધી. બોલવાનું મન થયું. પણ ત્યાંથી ચાલી ગઈ. પાડોશીઓએ પૂછ્યું, કેમ ભૂરી ! સાસુ બોલે છે ને તું કેમ બોલતી નથી ? તો જવાબ આપી દીધો મને એવું ના પૂછશો. બીજી બાઈઓ કૂવે મળી તેમણે કહ્યું પણ આ તો હાથ જોડીને કહે, મારી સાસુને માટે કંઈ ના બોલવું. બાઈઓ બોલી આ તો હવે સાધુડી થઈ ગઈ છે. પેલા સાધુ આવ્યા હતાને તેમનો બોધ લાગ્યો લાગે છે. હવે સાસુ એકલાં કેટલું બોલે?
ભૂરીએ હવે પોચું પોચું ખાવાનું એક વખત મૂકી દીધું તો ડોશીએ વાસણ પછાડ્યું આ તો ઘર ભેલાડી નાખવા બેઠી છે, પણ મીઠું લાગ્યું એટલે ખાઈ લીધું. પછી પાડોશીને પૂછ્યું, મારી ભૂરી કંઈ બોલતી હતી કે, તેઓ કહે, હવે તો તમે નકામાં બોલ્યા કરો છો. કેટલું જીવવું છે ? આમ પાડોશી શિખામણ આપવા લાગ્યાં. વળી થોડા દિવસ પછી ખાટલો પાથરી દીધો પછી પગ દબાવવા લાગી. પ્રથમ તો લાત મારી, પણ પછી ગલગલીયાં થવા માંડ્યાં. એટલે પડી રહ્યાં. ઊંઘ આવી ગઈ સાસુ હવે બોલતાં નથી. એક દિવસ સંવત્સરીનો દિવસ આવ્યો. ડોશી પ્રતિકમણ કરવા બેઠાં
સાધુતાની પગદંડી
૨ ૨.
| SR No. | 008079 |
| Book Title | Sadhuta ni Pagdandi Part 4 |
| Original Sutra Author | N/A |
| Author | Manilal Patel |
| Publisher | Mahavir Sahitya Prakashan Mandir Ahmedabad |
| Publication Year | 1999 |
| Total Pages | 246 |
| Language | Gujarati |
| Classification | Book_Gujarati & Religion |
| File Size | 13 MB |