________________
દષ્ટિએ હું એમ પણ કહ્યું કે રાજયની જમીનની કે રાજ્યતંત્રનાં અંગોની સ્વેચ્છાએ આવેલી મદદની કદર ભલે કરે પણ સૌરાષ્ટ્ર કચ્છ ભૂદાન સમિતિના કાર્યકરો તો તેવી રાજ્યની સીધી મદદ વિના પોતાની સમય મર્યાદામાં જ જનતાની જ મદદ ઉપર પોતાનો ભૂદાન સંકલ્પ પૂરો કરે ! મને સંયોજકશ્રી અને પ્રમુખશ્રીના વાર્તાલાપથી જણાયું કે સંકલ્પને તેઓએ માત્ર કોટાની ધારણા આજ લગી કલ્પેલી, એટલે એમની દષ્ટિએ તો બરાબર જ છે; છતાં હવે તો મને જે હદે પ્રતિજ્ઞા ભંગની ચિંતા થતી હતી તે ચિંતાને લક્ષ્યમાં લઈ ભૂદાનસંકલ્પ પૂરો કરવામાં તેઓ અને આખું સૌરાષ્ટ્ર કચ્છ લાગી જાય. મેં તો અહીં પણ પારણાં પછી કાર્યકરોને આ જ ધગશ રાખવાની કહી છે. વધુ રાખે તેમાં કહેવાની સમિતિ અને સૌરાષ્ટ્ર કચ્છની વિશેષતા છે. હવે એક જ વાત કહેવાની અત્યારે રહે છે, તે એ કે મેં અમુક મર્યાદિત લાગતા વળગતાઓને જ મારા આ નિર્ણયની જાહેરાત કરેલી હોઈ નિર્ણયની પૂરી વિગત, એની પાછળનો મુખ્ય હેતુ અને નિર્ણય પાર પાડવાની કુદરતી કરુણાની વિગત છાપાંઓમાં કે બીજેથી ગેરસમજૂતભરી કે અધકચરી મળી હોય તેનો મારા આ લખાણથી હવે ખુલાસો થઈ જશે.
ગુજરાતમાં ભાલ નળકાંઠા ક્ષેત્રે સૌથી
પ્રથમ પોતાનો સંકલ્પ પૂરો કર્યો મારી ધારણા પ્રમાણે ભાલનળકાંઠા પ્રાયોગિક સંઘે કરેલો સંકલ્પ હવે પૂરો થઈ ચૂક્યો છે ! ફેબ્રુઆરી પૂરો થતાં પહેલાં જ તેની આવી ફતેહ જોઈને મારા હર્ષનો પાર રહ્યો નથી. મેં અંગત તો પ્રાયોગિક સંઘના નેજા નીચેની ભૂદાન ટૂકડીઓને ધન્યવાદ પાઠવ્યા જ છે, આજે ભૂદાન દાતાઓ અને તે સૌને અહીં જાહેરમાં ધન્યવાદ આપું છું. જો કે પ્રાયોગિક સંધની પ્રત્યેક પ્રવૃત્તિ અને આ વિસ્તાર સાથે આજે તો મારી એટલી બધી આત્મીયતા છે કે તેમને સારુ મારે તો ધન્યવાદ આપવાની કોઈ જરૂર નથી, છતાં એક રીતે મારા તરફથી પણ કૃતજ્ઞતા વ્યક્ત કરવા તથા આ પરથી ગુજરાત સૌરાષ્ટ્ર કચ્છના ભૂદાન કાર્યકરોને પ્રેરણા આપવા તેમને માટેની આ નોંધ હું આંતરિક ધન્યવાદ અને મોટી ખુશી સાથે અહીં કર્યા સાધુતાની પગદંડી
૨૦૭
