________________
(ખંડ બીજો) ભૂદાનયજ્ઞમાં સહયોગ (આ વિભાગમાં પૂ. મુનિશ્રીનાં ભૂમિદાન અંગેનાં પ્રવચનોમાંથી કેટલાકના મહત્ત્વના અંશો આપવામાં આવ્યા છે.) ગામડામાં રહેલી આધ્યાત્મિક વૃત્તિ
ગામડામાં હજુ ભાલનળકાંઠા પ્રયોગ નિમિત્તે જોયા પછી મારી નિષ્ઠા આજે ગામડાં તરફ જોડાઈ ગઈ છે. કેટલાક આને ઘેલું માને, કેટલાક ભાઈઓ અને શહેરીઓના કટ્ટર વિરોધી ગણવાનો આક્ષેપ કરે, પણ મને તો દેશની જ નહીં, ગામડામાં દુનિયાનીયે આશા દેખાઈ છે. આનું મારું મુખ્ય આકર્ષણ આધ્યાત્મિક છે, એમ હું માનું છું. ભૂદાનયજ્ઞ નિમિત્તે હવે પાયાનું કામ ઇચ્છનારા ઘણા કાર્યકરોને ગામડામાં રહેલી આધ્યાત્મિકવૃત્તિ સમજાવા લાગી છે, એ શુભ નિશાની છે.
બૃહદ્ ગુજરાત અને ભૂદાન પ્રવૃત્તિ
બારડોલી મુકામે મળેલી કાર્યકર સભાના અન્વયે ભાઈશ્રી જુગતરામભાઈએ ગુજરાત સૌરાષ્ટ્રના જે થોડા આગેવાનોને બોલાવ્યા હતા તેમાંનાં ભાઈબહેનોએ હરિજન આશ્રમ, સાબરમતીમાં મળીને ઘણા વિચાર વિનિમય પછી નીચેનાં ચાર નામોની સંચાલન સમિતિ બનાવી છે.
૧. રવિશંકર મહારાજ ૨. પરીક્ષિતલાલ મજમુદાર ૩. શ્રી નરહરિ પરીખ ૪. શ્રી જુગતરામભાઈ દવે
આ નામો વિનોબાજીની સંમતિ સારુ મોકલી અપાયા છે, આ ઘણું જ આવકારલાયક પગલું છે. સૌરાષ્ટ્રનું એકાદ નામ આમાં ઉમેરાયું હોત તો વધુ સગવડ રહેત. મને આશા છે કે આ મહાન કાર્યને બૃહદ ગુજરાતનો એક એક પ્રજાજન વિના આનાકાનીએ હૃદયપૂર્વક અપનાવી લઈ બૃહદ ગુજરાતને દીપાવશે. સાધુતાની પગદંડી
૧૯૩
