________________
અહીં નીચે મુજબ ભૂદાન થયું.
૬રા વીઘા કાથરોટા, ૨૦ કાગદરી, ૨૦ સાપર, ૪૫ વેખરિયા, ૭૫ મોણવેલી, ૭૪ લુધિયા, ૯૪ સુડાવળ,
સોરઠનું કુલ ભૂદાન ૨૨૭૬૦ વીઘા થયું. તા. ૧૨,૧૩-૬-૧૯૫૩ : બગસરા
સુધાવડથી શાહપુર થોડો વખત રોકાયા. ભૂદાન સંદેશ આપ્યો. ત્યાંથી બગસરા આવ્યા. અંતર સાત માઈલ વિદ્યાર્થીઓએ અને ગામે સ્વાગત કર્યું. લાલચંદભાઈ અમારી સાથે હતા. વેચાણવેરા આંદોલનમાં મહારાજશ્રીએ ભાગ લીધેલો એટલે વેપારીઓએ બહુ રસ ના લીધો. ભૂદાન અંગે સભા થઈ. તેમાં હામાપરના ખેડૂતોએ ૧૪૬ વીઘા ભૂદાનની જાહેરાત કરી અહીં ૨૯૯ વીઘા ભૂદાન થયું. તા. ૧૪-૬-૧૫૩ : જાળિયા
બગસરાથી નીકળી જાળિયા આવ્યા. અંતર નવ માઈલ હશે. ઉતારો બાલમંદિરમાં રાખ્યો. તા. ૧૫-૬-૧૫૩ : તરવડા
જાળિયાથી નીકળી તરવડા આવ્યા. અંતર સાડાચાર માઈલ હશે. ઉતારો રતુભાઈના આશ્રમમાં રાખ્યો હતો.
અહીં ગામમાં રામનારાયણ પાઠક, ૧૪ વીઘા પોતાની રામવાડીમાં ખેતી કરે છે. પોતે તો પોરબંદર છાયા આશ્રમમાં રહે છે, પણ તેમનાં પત્ની નર્મદાબહેન ખેતી કરાવે છે. બીજા જીવરાજ મહેતાના ભત્રીજા વલ્લભભાઈ પણ ખેતી કરે છે. ઈસ્માઈલભાઈ નાગોરી પણ ખેતી કરે છે. અહીંનું ચર્માલય હાલ બંધ છે. સભામાં ૧૪ વીઘા ભૂદાન મળ્યું. તા. ૧૬ થી ૧૮-૬-૧૯૫૩ : બાબાપુર
જાળિયાથી નીકળી બાબાપુર આવ્યા. અંતર ચાર માઈલ ઉતારો ઉપાશ્રયમાં રાખ્યો હતો. ગામના રામનારાયણભાઈ, ઈસ્માઈલભાઈ, મોહનભાઈ વગેરે સાથે આવ્યા હતા. - ચાર વાગે ભૂદાન અંગેની મિટિંગ રાખી હતી. માટલિયાભાઈ આવ્યા
૧૭૪
સાધુતાની પગદંડી
