________________
તા. ૧૯, ૨૦-૪-૧૯૫૩ : રાવળ
સૂર્યાવદરથી નીકળી રાવળ આવ્યા. અંતર સાત માઈલ હશે. તા. ૨૧-૪-૧૯૫૩ : વડાળા
રાવળથી નીકળી ચંદ્રાવાડા થઈ વડાળા આવ્યા. અંતર ૬ માઈલ હશે. ઉતારો એક મેરભાઈને ત્યાં રાખ્યો હતો. અહીં ભૂદાન ૧૬૦ એકર થયું. તા. ૨૨-૪-૧૯૫૩ : ક્ઝિરખેડા - વડાળાથી નીકળી કિંડરખેડા આવ્યા. અંતર સાત માઈલ હશે. ઉતારો એક મેરભાઈને ત્યાં રાખ્યો. બપોરે સભા રાખી હતી. રાત્રે પણ સભા થઈ. ભૂદાન અંગે માહિતી આપી. મેરભાઈઓ ખૂબ ભક્તિવાળા છે. રાત્રે ભજન ગાયું તે વખતે તેમનો તંબૂરો અને કરતાલનો તાલ, એટલો સુંદર હતો કે રેડિયા કરતાં વધી જાય. તા. ૨૩-૪-૧૯૫૩ : બાબડા
કિંડરખેડાથી નીકળી બાબડા આવ્યા. અહીં ગામ નથી. ખાલી મહાદેવનું મંદિર છે. ભાણજી લવજી પીવાળાએ સુંદર સેનીટોરિયમ બંધાવ્યાં છે. ઘણા લોકો અહીં આવે છે. મંદિરની જગ્યામાં સુંદર બગીચો છે. મહંત નવા વિચારના છે. તા. ૨૪-૪-૧૯૫૩ : દેહગામ
બાબડાથી નીકળી દેહગામ આવ્યા. ગામમાં શીતળાનો ઉપદ્રવ હતો. એટલે માતાના મંદિરે સૌ મળ્યાં. અહીંના વયોવૃદ્ધ મહંતે ખૂબ મુક્તિ બતાવી. મહારાજશ્રીનું અજીઠું દૂધ લેવા આગ્રહ કર્યો. અને જતી વખતે સાથે આવ્યા બહુ આગ્રહ કર્યો ત્યારે પાછા ગયા, પાછા વળતાં મહારાજશ્રીના પગ પકડી લાંબા સૂઈ જઈ દંડવત પ્રણામ કર્યા. મહારાજશ્રીએ પણ એમને વંદન કર્યા. બંને સાધુનું મિલન સુંદર દૃશ્ય ખડું કરતું હતું. અહીંના લોકોએ ૧૫ વીઘા ભૂદાન આપ્યું. તા. ૨૪-૪-૧૫૩ : બોખીરા
દેહગામથી નીકળી બોખીરા આવ્યા. ગામનાં કેટલાક ભાઈઓ ઠેઠ દેહગામ સુધી મહારાજશ્રીને બોલાવવા સામે આવ્યા હતા. એઓ દોડતા સાધુતાની પગદંડી
૧પ૩
