________________
આંદોલનનો વિરોધ ખરી રીતે એવાં મંડળો જ કરે. આજે જે લોકસંમેલન થાય છે, એમાં એવો ભાસ થતો હોય છે કે, જાણે પ્રધાનો જ બોલાવતા હોય. એટલે ખેડૂત જનતાને ખાસ ખ્યાલ આવતો નથી. વજુભાઈએ પણ એ વાત તો સ્વીકારી કે, કૉંગ્રેસ એક સરકારી અને ભદ્રસમાજની સંસ્થા બની ગઈ છે. એટલે નાના નાના ધંધાદારી મંડળો નૈતિક દૃષ્ટિએ રચાય અને જો એજ કૉંગ્રેસ સરકારનું પૂરકબળ બને એ જરૂરી છે.
તા. ૯-૨-૧૯૫૩
આજે ચુવાળિયા પગીભાઈઓની કારોબારી બોલાવી હતી. રતુભાઈ અને રસિકભાઈ હાજર રહ્યા હતા. સલાહકાર સમિતિ રચવામાં આવી. જો કે પ્રથમ તો તેમને આ ના ગમ્યું. પણ પછી સ્વીકાર્યું. એમાં (૧) રવિશંકર મહારાજ (૨) નાથાભાઈ શાહ ફૂલછાબવાળા (૩) રતુભાઈ અદાણી (૪) ભીખાભાઈ ગાર્ડ (૫) પ્રમુખ. કારોબારી ૧૫ માણસોની કરવી. એમ નક્કી થયું. નામ સૌરાષ્ટ્ર કોળી મંડળ રાખવું.
રતુભાઈએ કહ્યું કે કામ તમારે જ કરવાનું છે. સરકાર તો ફક્ત દોરવણી આપશે. જેટલી તમારી કામ લેવાની શક્તિ હશે તેટલું થશે. બપોર પછી ઢેબરભાઈ સાથે કેટલીક ચર્ચા વાતો કરી. સાંજના બાબાપુર ગ્રુપ સાથે વાતો કરી.
અહીંનો આજે છેલ્લો દિવસ હતો. રાત્રિસભામાં સંખ્યા વધારે આવી હતી. મહારાજશ્રીએ ચાલુ બનાવોનું અવલોકન કરાવ્યું. હવે પછી કેવી રીતે વર્તવું તે અંગે સમજાવ્યું હતું.
તા. ૧૦-૨-૧૯૫૩ : ગૌરીદળ
રાજકોટથી વિહાર કરી ગૌરીદળ આવ્યા. અંતર આઠ માઈલ હશે. ઉતારો ઉપાશ્રયમાં રાખ્યો હતો. સાથે કેટલાક ભાઈઓ આવ્યા હતા. તા. ૧૧-૨-૧૯૫૩ : કાગદડી
ગૌરીદળથી નીકળી કાગદડી આવ્યા. અંતર પાંચ માઈલ હશે. ઉતારો મંદિરમાં રાખ્યો.
તા. ૧૨-૨-૧૯૫૩ : મીતાણા
કાગદડીથી નીકળી મીતાણા આવ્યા. અંતર સાત માઈલ ઉતારો નિશાળમાં રાખ્યો.
૧૪૦
સાધુતાની પગદંડી
