________________
માટે છોડ્યું હતું તેથી મારી જાતને ધન્ય માનું છું. મહારાજશ્રીની જે ધર્મદષ્ટિએ સમાજ રચના અને સંકળજગતની બની જનેતાનું જે ધ્યેય છે, તે પાર પડે એ માટે ઈશ્વરની પ્રાર્થના કરીએ. તેઓ ઘણીવાર કહે છે કે કાર્યકરો મારા હાથ પગ છે. તો એ હાથ પગ સડે તો તેમને દુઃખ થાય. એટલે આપણે સૌ ગુરુદેવને સહેજપણ દુઃખ થાય કે એવું નિમિત્ત પૂર ન પાડીએ. ભૂલ તો માણસ માત્રાની થાય, પણ એ ભૂલનો પશ્ચાત્તાપ કરીએ.
મહારાજશ્રીએ પ્રવચન કરતાં જણાવ્યું કે, મારી હાજરીમાં મારાં વખાણ થાય, એ મને નથી ગમતું વ્યક્તિપૂજા આપણને ખાડામાં નાખશે. સૌ ગુણગ્રાહી થઈએ. વિશ્વવાત્સલ્ય માટે પ્રયત્ન કરીએ.
રાત્રે ગામના આગેવાન મનુભાઈએ ચા, તમાકુ છોડવાની પ્રતિજ્ઞા લીધી. અને ર૦ એકર જમીન બીજી વધારાની ભૂદાનમાં આપવાની જાહેરાત કરી હતી. તા. ૭-૮-૧૯૫૨
આજે શામળાજીથી ડૉ. વલ્લભભાઈ દોષી તેમને ત્યાંની સંસ્થા માટેની કેટલીક સલાહ લેવા આવ્યા હતા. તા. ૧૧-૮-૧૯૫૨
આજે શિવાભાઈ જે. પટેલ આવ્યા. એમણે કુટુંબનિયોજન અને ગ્રામનિર્માણ વિષે વાતો કરી. રાત્રી સભામાં તેમણે આ વિષય ઉપર સુંદર પ્રવચન પણ કર્યું હતું. તા. ૧૨-૮-૧૯૫૨
આજે સુરાભાઈ, પૂજાભાઈ, છગનભાઈ અને મંગાભાઈ આવ્યા હતા. તેમની સાથે પાલકો અંગે કેટલીક વાતો થઈ.
આજે જન્માષ્ટમી હોવાથી ગરબીઓ ચાલતી હતી મહારાજશ્રીએ કૃષ્ણજીવન પર સુંદર પ્રવચન કર્યું હતું. તા. ૧૫-૮-૧૫ર આજે પંદરમી ઑગસ્ટ હોવાથી વિદ્યાર્થીઓએ સરઘસ કાઢ્યું હતું.
સાધુતાની પગદી.
