________________
३५ ]
जीतकल्पसूत्रम् । एतेहिं कारणेहिं, छहिं आहारेति संजतो णियमा । छहिं चेव कारणेहि, णाहारेती इमेहिं तु ॥१६६३॥ आतंके उवसग्गे, तितिक्खया बंभचेरगुत्तीए । पाणिदया-तवहेऊ, सरीरवोच्छेयणढाए ॥१६६४॥ आयंको जरमादी, तम्मुप्पण्णे ण मुंजे भणितं च । सहसुप्पइया वाही, वारेज्जा अट्ठमादी हिं ॥१६६५॥ राया सण्णायादी, उवसग्गो तम्मि वी ण भुजेज्जा । सहणहा तु तितिक्खा, बाहिज्जते तु विसएहिं ॥१६६६॥ भणितं च जिणिदेहि, अवि आहारं जती हु वोच्छिदे । लोगे वि भणिय विसया, विणिवत्तंते अणाहारे ॥१६६७।। तो बंभरक्खणट्ठा, ण वि मुंजेज्जा हि एवमाहारं । पाणदय वास महिया, पाउसकाले व ण वि मुंजे ॥१६६८॥ तवहेतु चउत्थादी, जाव तु छम्मासिओ तबो होति । छठें णिच्छिण्णभरो, छड्डेतुमणो सरीरं तु ॥१६६९॥ असमत्थो संजमस्स उ, कतकिञ्चोवक्खरं व तो देहं । छड्डमि त्ति न मुंजइ, सव्वह वोच्छेय आहारं ॥१६७०॥ घासेसणा सम्मत्ता ॥ मूलाहसोलस उग्गमदोसा, सोलस उप्पादणाएँ दोसा तु । दस एसणाएँ दोसा, संजोयणमादि पंचेव ॥१६७१।। सीयालीसं एते, सव्वे वी पिडिता भवे दोसा । जेहिं अविसुद्ध पिंडे, चरणुवघातो जतीण भवे ॥१६७२॥ एतद्दोस विमुक्को, भणिताऽऽहारो जिणेहिं साहूणं । धम्मावस्सगजोगा, जेण ण हायंति तं कुज्जा ॥१६७३॥ उग्गममादीणं तू , कारणपज्जन्तपत्थडो एस। लक्खण आवत्ती दाणमेव कमसो समक्खायं ॥१६७४॥
Jain Education International
For Private & Personal Use Only
www.jainelibrary.org
