________________
स्वोपज्ञभाष्ययुतं
[गाथा जह वा वि चित्तकम्म, धूमेणोरत्तयं ण सोभइ छ । तह धूमदोसरतं, चरणं पि ण सोभए मइलं ॥१६५०॥ दोसेण सधूमं तू , जं आहारेति साहु जिंदंतो। विरसमलोणं कुहितं, रोरो भोक्खेति णं एयं ॥१६५१॥ दोसग्गी वि जलंतो, अप्पत्तियधूमधूमियं चरणं । अंगारमेत्तसरिसं, जा ण भवति णिड्डहति ताव ॥१६५२॥ रागेण सइंगालं, दोसेण सधृमगं मुणेयव्वं । राग-द्दोससहगतं, तम्हा तु ण होति भोत्तव्वं ॥१६५३॥ आहारंति तवस्सी, विगतिगाल च विगयधूमं च । झाण-ऽज्झयणणिमित्तं, एसुवएसो पवयणस्स ॥१६५४॥
भणितं सधूममेयं, एत्तो वोच्छामि कारणहारं । कारणदोषः तं पुण पडिक्कमंतो, चरिमुस्सग्गे विचिन्तेति ॥१६५५ ।
भोत्तव्य कारणम्मी, किं अस्थि अहव नत्थि जइ अत्थी। तो भुजेज्जा साहू, के पुण ते कारणा ? सुणसु ॥१६५६॥ छहि कारणे हि साहू, आहारंतो उ आयरति धम्म । छहिं चेव कारणेहिं, णिज्जूहंतो यु आयरति ॥१६५७॥ वेयण वेयावच्चे, इरियट्ठाए य संजमहाए । तह पाणवत्तियाए, छद्रं पुण धम्मचिन्ताए ॥१६५८॥ पत्थि छुहाएँ सरिसिया, वियणा भुंजेज तप्पसमणहा । छादो वेयावच्चं, ण तरति काउं अयो भुंजे ॥१६५९।। इरियं च ण सोहेती, खुहितो भमलीय पेच्छ अन्धारं । थामो वा परिहायइ, पेहादी संजमं ण तरे ॥१६६०॥ आयु-सरीर-प्पाणादि छबिहे पाण ण तरती मोत्तुं । तद्धारणट्टतेणं, झुंजेज्जा पाणवत्तीयं ॥१६६१॥ धम्मज्झाणं ण तरति, चिन्तेउं पुव्वरत्तकालम्मि । अहवा वी पंचविहं, ण तरति सज्झाय काउं जे ॥१६६२॥
Jain Education International
For Private & Personal Use Only
www.jainelibrary.org
