________________
जीतकल्पसूत्रम् । खीर-दहि-कट्टरादिण, लंभे गुड-सालि-कूर-घतमादी। जातित्ता संजोए, हिण्डतंतो अतो वोच्छं ॥१६१२॥ अंतो तिह पादम्मी, लंबण वयणे य होइ बोद्धव्वं । जं जं रसोचकारि, संजोययए तु तं पाए ॥१६१३॥ वालुक-वडग-वाइंगणादि संजोए लंबणेण समं । वयणम्मि छोटु लंबण, तो सालणगं छुभे पच्छा ॥१६१४॥ दव्वम्मि एस संजोयणा तु संजोएँ जं तु दवाई। रसहेउ तेहिं पुण, संजोयण होति भावम्मि ॥१६१५॥ संजोएन्तो दव्वे, राग-द्दोसेहिं अप्पगं जोए। राग-दोसणिमित्तं, संजोययए तु तो कम्मं ।।१६१६।। कम्मे हितो य भवं, संजोययए भवातु दुक्खेणं । संजोययए अप्पं, एसा संजोयणा भावे ॥१६१७॥ रसहेउं पडिकुट्ठो, संजोयो कप्पए गिलाणहा । जस्स व अभत्तछंदो, सुहोइओ अभावितो जो य ॥१६१८॥ अहव ण जाई दव्वं, पत्ते य घयादिगा वि मेलंति । सत्तुगमादीहि समं, भा होतु विर्गिचणीयंति ॥१६१९।। अंतो बहि चउगुरुगा, बितियाएसेण बाहि चउलहुगा । चउगुरुगेऽभत्तह, चउलहुगे होति आयामं ॥१६२०॥ संजोयण भणिएसा, अहुण पमाणं भणामि आहारे । जावतियं भोत्तव्यं, साहू हिं जावणहाए ॥१६२१॥ बत्तीस किर कवला, आहारो कुच्छिपूरओ भणिओ। पुरिसस्स महिलियाए, अट्ठावीसं भवे कवला ॥१६२२॥ चउवीस पंडगस्सा, ते ण गहित जेण पुरिस-इत्थीणं । पव्वज ण पंडस्स उ, तम्हा ते ण गहिता एत्थं ॥१६२३॥ एत्तो किणावि हीणं, अद्धं अद्धद्धगं च आहारं । साहुस्स बेन्ति धीरा, जायामायं च ओमं च ॥१६२४॥
प्रमाणदोषः
Jain Education International
For Private & Personal Use Only
www.jainelibrary.org
