________________
३५]
जीतकल्पसूत्रम् । जं संकितमावण्णो, पणुचीसा चरिमए सुद्धो ॥१४८३॥ छउमत्थो सुतणाणी, गवसती उज्जुयं पयत्तेणं । आवण्णो पणुवीसं, सुतणाणपमाणतो सुद्धो ॥१४८४|| साहू सुतोवयुत्तो, सुतणाणी जइ वि गिण्हइ असुद्धं । तं केवली वि भुंजति, अपमाण सुयं भवे इहरा ॥१४८५।। मुत्तस्स अप्पमाणे, चरणाभावो ततो य मोक्खस्स । मोक्खाभावाओ चिय, पयत्तदिक्खा णिरत्था य ॥१४८६॥ सोलस उग्गमदोसा, णव एसणदोस संकमेतूण । पणुवीसेए दोसा, संकियमासंकिओ वोच्छं ॥१४८७॥ जइ संका दोसकरी, एवं सुद्धं पि होति तु असुद्धं । णीसंकमेसियं ति व, अणेसणिज्ज पि णिद्दोसं ॥१४८८।। भण्णति संकियभावो, अविसुद्धो अपडितकतरपक्खे । एसि पि कुणयऽणेसि, अणेसिमेसिं विसुद्धो तु ॥१४८९॥ णिस्संक काउ तम्हा, भोत्तव्वं संकियं भणितमेयं दारं। मक्खितमिदाणि वोच्छं, मखित जं होति संसत्तं ॥१४९०॥ दुविहं च मक्खितं खलु, सचित्तं चैव होइ अचित्तं ।। सच्चित्तं तत्थ तिहा, पुढवी आऊ य वणकाए ॥१४९१॥ पुढवीससरक्खेणं, हत्थे मत्ते व सुक्खे पणगं तु । आवत्ती दाणं पुण, णिव्वितियं होति दातव्वं ॥१४९२॥ कद्दममक्खियमीसे, लहुगो णिम्मीसे होन्ति लहुगा तु । लहुमासे पुरिमडूं, चतुलहुए होति आयामं ॥१४९३॥ ससणि दउल्ले या, पुर-पच्छाकम्म मक्खियं चतुहा । उक्कुट्ट-पिट्ठ-कुक्कुसमक्खितमेवादि वणकाये ॥१४९४॥ ससणिद्ध हत्थमत्ते, पणगं आवत्ति दाण णिव्विगई । उदउल्ले मासलहुँ, आवत्ती दाण पुरिमडूं ॥१४९५॥
म्रक्षितदोषः
Jain Education International
For Private & Personal Use Only
www.jainelibrary.org
